ءساتتى سىناق

باتىس قازاقستان ماشينا قۇراستىرۋ كومپانياسى امەريكالىق Lancair اۋە فيرماسى ماماندارىمەن بىرلەسە وتىرىپ ءتۋربوۆينتتى قوزعالتقىشى بار شاعىن ۇشاق قۇراستىرىپ شىعاردى. اتالعان تاجىريبەلىك جوبانى وتاندىق وندىرىسشىلەر جاڭا تەحنولوگيالىق اۋە تاسىلدەرىن يگەرۋ ماقساتىندا ىسكە اسىرعان. قازاقستاندىق ۇشاق قۇراستىرما­لى كومىرسۋتەگى ماتەريالىنان جاسالعان. مۇنىڭ ءوزى وعان كوك جۇزىندە ەركىن قالىقتاۋىنا مۇمكىندىك بەرەدى, دەيدى جوعارىدا اتالعان كومپانيا باسشىسى ءالىبي احمەدجانوۆ. سونداي-اق, ونىڭ مالىمدەۋىنشە, بىرلەسكەن ۇشاق جوباسىن قۇراستىرىپ سىناقتان وتكىزۋگە مەملەكەت تاراپىنان ەشقانداي قارجى جۇمسالماعان. كومپانيانىڭ باس كونس­ترۋك­­تورى ۆلاديمير گاسلوۆ الداعى ۋاقىتتا مۇنداي ۇشاقتى جيناق­تاۋدى ءبىر ايدىڭ ىشىندە اياقتاۋعا بولاتىنىن ايتىپ بەردى. ماسەلە سۇرانىستا جانە ونىڭ سانىنىڭ مولشەرىنە بايلانىستى. وتاندىق شاعىن اۋە كەمەسىنىڭ سەنىمدىلىگى وسى تەكتەس بارلىق ۇلكەندى-كىشى­لى ۇشاقتار سەكىلدى 99,9 پايىزعا تەڭ. ونىڭ قاۋىپسىزدىگى مەن جارام­دى­لىعىن ءجۇز پايىزدىق دەپ ايتپا­ساق تا, ساۋاتتى ءالى بىلىكتى تۇردە پايدا­لانىلعان جاعدايدا بۇل تولىعىمەن وتە سەنىمدى ۇشاق دەدى ول ودان ءارى. Lancair 4-ءتىڭ قۋاتى جەتى ءجۇز اتتىڭ كۇشىنە تەڭ. كوممەرتسيالىق ماقساتتى كوزدەمەيتىن شاعىن ۇشاقتىڭ سالونى  ءۇش جولاۋشىعا ارنالعان. بۇل تۇيعىنداي ىقشام اۋە كولىگى ساعاتىنا 500 شاقىرىم جىلدامدىقپەن ەكى مىڭ كيلومەتر­گە دەيىن توقتاماستان ۇشا الادى.ونىڭ ءبىر ساعاتتا جۇمسايتىن جانارمايىنىڭ كولەمى 160 ليتر. وتكەن اپتادا ورال اۋەجايىندا وتكىزىلگەن كورسەتىلىمدىك ءارى سىناقتىق ۇشۋ كەزىندە وتاندىق ۇشاق كوككە ەمىن-ەركىن كوتەرىلىپ,  اۋەجاي اۋماعىن ءبىر-ەكى رەت اينالىپ ۇشىپ ءوتىپ, سودان كەيىن مۇنداعى ۇشۋ-قونۋ جولاعىنا تومەندەپ كەلىپ قوندى. وسى ارقىلى ول ءوزىنىڭ ءشاسسيىنىڭ بەرىكتىگىن دالەلدەپ بەردى دەۋگە بولادى. تەمىر قۇسايىن,  «ەگەمەن قازاقستان». ورال. سۋرەتتە: وتاندىق ۇشاقتىڭ سىرتقى كورىنىسى.