الەۋمەتتىك قامتاماسىزداندىرۋ قۇقىعى – 23, لاۋازىمدىق وكىلەتتىكتەرىن اسىرا پايدالانۋ ماسەلەلەرىمەن 18 ارىز تۇسكەن. سوتتالعانداردىڭ قۇقىعى, مەديتسينالىق ماسەلەمەن ارىزدانعاندار دا از ەمەس. مىسالى, وكىلگە دەنساۋلىق ساقتاۋ سالاسىنىڭ قىزمەتىنە قاتىستى ارىزدانعان ازامات ەمحانا كەپىلدەنگەن مەديتسينالىق قىزمەت كورسەتۋدەن باس تارتقانىن ايتقان. ياعني زاڭمەن بەلگىلەنگەن كەپىلدى مەديتسينالىق كومەكتىڭ كولەمىن تەگىن الۋ قۇقىعى شەكتەلگەن. اتالعان فاكتىگە قاتىستى «الەۋمەتتىك مەديتسينالىق ساقتاندىرۋ قورى» كەاق تۇركىستان وبلىستىق فيليالىنا ۇسىنىم جىبەرىلىپ, ناتيجەسىندە زاڭ بۇزعانى ءۇشىن مەديتسينالىق ۇيىمعا ەكونوميكالىق شارا قولدانىلىپتى.
سونداي-اق ۋاكىلدىڭ تۇركىستان وبلىسىنداعى وكىلىنە رەسەيدە تۇراتىن قازاقستان ازاماتىنىڭ تۋىسقانى ارىزدانعان. تۋىسقانى ۇيىندە بولعان ءورتتىڭ كەسىرىنەن تۋ تۋرالى كۋالىگىن جوعالتقان. سول سەبەپتى جەكە باسىن انىقتايتىن قۇجاتتاردى راسىمدەي الماي جاتقانىن ءمالىم ەتكەن. ۋاكىلدىڭ وكىلى ادىلەت دەپارتامەنتىنە جانە تۇركىستان قالالىق احات بولىمىنە تۋ تۋرالى كۋالىكتى قايتا راسىمدەۋ ءۇشىن حات جولداپ, ناتيجەسىندە اتالعان قۇجات ارىز يەسىنە جولدانعان.
«ۋاكىل, ونىڭ وكىلدەرى ءوز وكىلەتتىكتەرى شەڭبەرىندە مەملەكەتتىك ورگاندارعا جەدەل قابىلداۋعا كىرۋ قۇقىعىن پايدالانادى. مەملەكەتتىك ورگاندار, جەرگىلىكتى مەملەكەتتىك باسقارۋ جانە ءوزىن-ءوزى باسقارۋ ورگاندارى, لاۋازىمدى تۇلعالار ۋاكىلگە, ونىڭ وكىلدەرىنە دەرەۋ جاردەم كورسەتۋگە مىندەتتى. بيىلعى 10 ايدا وكىلدىككە كەلىپ تۇسكەن, تىركەلگەن 156 ارىزدىڭ 67-سىنە جازباشا تۇسىنىكتەمەلەر بەرىلسە, 67 ارىزدانۋشىنىڭ تالابى, سۇراعى قاناعاتتاندىرىلدى. ال 17-ءسى قۇزىرلى مەملەكەتتىك ورگاندارعا جولداندى, بەسەۋى قارالىپ جاتىر. ارىزداردى قاراۋ بارىسىندا 32 ۇسىنىم جىبەرىلدى. ناتيجەسىندە, 10 لاۋازىمدى تۇلعا تارتىپتىك جاۋاپكەرشىلىككە, ءبىر ازامات اكىمشىلىك جاۋاپكەرشىلىككە تارتىلدى», دەيدى ادام قۇقىقتارى جونىندەگى ۇلتتىق ورتالىقتىڭ تۇركىستان وبلىسى بويىنشا وكىلى ناتاليا قوجابەكوۆا.
وكىل 166 ازاماتتى جەكە قابىلداپ, ونىڭ 126-سى بويىنشا قۇقىقتىق تۇسىندىرمەلەر جۇرگىزسە, 40-نىڭ ماسەلەسى شەشىمىن تاپقان. سونداي-اق مەملەكەتتىك ورگاندار وكىلدەرىمەن بىرگە ازاماتتاردى بىرلەسكەن 33 قابىلداۋ وتكىزىلگەن.
«ۋاكىلدىڭ قۇزىرەتتەرىنىڭ ماڭىزدى سالاسى – ازاپتاۋدىڭ, قاتىگەز قارىم-قاتىناستىڭ الدىن الۋدا ۇلتتىق الدىن الۋ تەتىگىنىڭ (ۇات) جۇمىسىن ۇيلەستىرۋ. وسىلايشا, ۇات قوعام وكىلدەرىنەن قۇرالعان ساراپشىلاردان تۇراتىن جۇيە بولسا, ۋاكىل مەملەكەت اتىنان وسى مەحانيزممەن ءوزارا ىقپالداستىقتا بولىپ, ونىڭ جۇمىسىن ۇيلەستىرىپ وتىرادى. بۇگىندە وڭىردە 7 بەلسەندى ازاماتتان, ساراپشىدان قۇرالعان ۇات توبى بار, وسى توپپەن تىعىز بايلانىستا جۇمىس ىستەپ جاتىرمىز», دەيدى ناتاليا سۇڭعاتقىزى.
قازىر وكىل – 6 كونسۋلتاتيۆتىك-كەڭەسشى جانە باقىلاۋ ورگاندارىندا مۇشە. بيىلعى 7 ايدا كونسۋلتاتيۆتىك-كەڭەسشى جانە باقىلاۋ ورگاندارىنىڭ 17 وتىرىسىنا قاتىسىپ, ادامداردىڭ قۇقى مەن بوستاندىعىن قورعاۋدى جەتىلدىرۋ ماقساتىندا 8 ۇسىنىم بەرىلىپتى. سونداي-اق بيىلعى ون ايدا وكىل 79 مانداتتى مەكەمەلەرگە بارعان. ناتيجەسىندە, قۇزىرلى ورگاندارعا 54 ۇسىنىم جولدانعان. وكىلدىڭ جولداعان ۇسىنىمدارى ناتيجەسىندە 14 لاۋازىمدى تۇلعا تارتىپتىك جاۋاپكەرشىلىككە, 10 تۇلعا اكىمشىلىك جاۋاپكەرشىلىككە تارتىلدى.
تۇركىستان وبلىسى
