فوتو: اقوردا
ەستەرىڭىزگە سالا كەتەيىك, بۇعان دەيىن مەملەكەت باسشىسى قاسىم-جومارت توقاەۆ فرانتسيا رەسپۋبليكاسىنا مەملەكەتتىك ساپارمەن بارعان ەدى. پرەزيدەنت وسى ساپارىنا ايرىقشا ءمان بەرەتىنىن, سونداي-اق بۇل قازاقستان مەن فرانتسيا اراسىنداعى ستراتەگيالىق سەرىكتەستىكتىڭ جاڭا بەلەسى ەكەنىن اتاپ وتكەن.
ساراپشى ايبار ولجاەۆتىڭ پىكىرىنشە, ءبىر اپتانىڭ ىشىندە ەكى بىردەي مەملەكەتتىك ساپارعا بارۋ - ەل تاريحىندا سيرەك كەزدەسەتىن قادام.
«پرەزيدەنت ون كۇننىڭ ىشىندە ەكى مەملەكەتتىك ساپار جاساپ, ءبىر سامميتكە قاتىستى. اراسىندا استانادا بىرنەشە بيزنەس كەزدەسۋ وتكىزىپ ۇلگەردى. 29 قازاننان باستالعان 10 كۇندىك مارافون قازاقستانعا شامامەن 3 ميلليارد دوللار ديۆيدەند الىپ كەلەتىن بولادى», دەپ جازدى ول.
سونداي-اق ساراپشى وتكەن ايدىڭ سوڭىندا قاسىم-جومارت توقاەۆ پرەزيدەنت رەتىندە موڭعولياعا تۇڭعىش رەت مەملەكەتتىك ساپارمەن بارعانىن اتاپ ءوتتى.
«قازاقستان الداعى ۋاقىتتا موڭعوليادا ۆاكتسينا ءوندىرىسىن اشپاق. بۇل - ەلىمىزدىڭ ۆەتەرينارلىق ۆيرۋسولوگيا سالاسىنداعى ۇلكەن جەڭىسى. سونىمەن بىرگە موڭعوليانىڭ قازبا بايلىقتارىنا ەسىك اشىلدى. ءبىزدىڭ كوزدەپ وتىرعانىمىز بوكسيت ەدى. ەندى وتاندىق ينۆەستورلارعا موڭعوليادا جۇمىس ىستەۋ جەڭىلدەمەك», دەدى ا.ولجاەۆ.
