زاڭ عىلىمدارىنىڭ كانديداتى ساۋلە ەرمۇحامەتوۆا الدىن الا تولەمدى وقىس وقيعالارعا بايلانىستى, ونىڭ وزىندە ارنايى شارتتاردى ورىنداعان جاعدايدا عانا قايتارىپ الۋعا بولاتىنىن ايتتى.
«الدىن الا تولەمدى «فورس-ماجورعا», ياعني كۇتپەگەن جاعدايلارعا بايلانىستى قايتارىپ الۋعا بولادى. بىراق بۇل جاعداي ازاماتتىق كودەكسپەن (اك) رەتتەلەدى. ماسەلەن, ءورت بولعان جاعدايدى دا قوسۋىمىزعا بولادى. ال قالعان جاعدايلاردا, مىسالى, اۋىرىپ قالدى, تاعى ءبىر نارسەلەر بولىپ قالدى, اۋىلعا كەتىپ قالدى, كەشىگىپ قالدى دەگەن سياقتى ءوز تاراپىنان اتالعان جايتتاردا الدىن الا تولەم قايتارىلمايدى. شارت بويىنشا ورىندالۋى كەرەك», دەدى زاڭگەر Massaget.kz تىلشىسىنە.
سونداي-اق مامان قىزمەتتى نەمەسە تاۋاردى ۇسىنۋشى كەيدە الدىن الا تولەمنىڭ 30%-ىن ۇستاپ قالاتىنىن قوسا كەتتى.
«ەگەر ءبىر قىزمەتكە اقشاسىن تولەپ, بىراق ول قىزمەت جۇزەگە اسىرىلماسا, ءتىپتى قىزمەت كورسەتىلۋى باستالماعان بولسا, شىعىننىڭ 70 پايىزىن قايتارۋعا مىندەتتى. ماسەلەن, ءسىز ءبىر تىگىنحاناعا كويلەك تىكتىرۋگە تاپسىرىس بەرەسىز. بىراق ولار شارتقا سايكەس قىزمەتتى باستاماعان بولسا, ءسىز الدىن الا تولەمنىڭ 70 پايىزىن عانا قايتارا الاسىز. قالعان 30%-ىن ولار ۇستاپ قالادى. ال ەگەر تىگىپ باستاسا, وندا كەلتىرىلگەن شىعىن قايتارىلمايدى. الايدا بۇل ەرەجە ۇشاق بيلەتتەرىنە قاتىستى جۇرمەيدى», دەپ قوستى مامان.
