فوتو: مادەنيەت جانە اقپارات مينيسترلىگى
«ارحيۆ – 2025» كەشەندى جوسپارى اياسىندا شەت ەل ارحيۆتەرىنەن قازاقستاننىڭ تاريحى مەن مادەنيەتىنە قاتىستى تاريحي قۇجات جيناقتاۋ ماقساتىندا قر ورتالىق مەملەكەتتىك كينوفوتوقۇجاتتار مەن دىبىس جازبالار ءارحيۆىنىڭ دەلەگاتسياسى موڭعوليانىڭ ۇلان-باتىر قالاسىنا ىسساپارمەن باردى.
عىلىمي-زەرتتەۋ جۇمىستارى بارىسىندا موڭعوليا ۇلتتىق ارحيۆىنەن قازاقستانعا قاتىستى قۇجاتتار انىقتالىپ, 90 فوتوقۇجات جانە جالپى ۇزاقتىعى 92 مينۋتتىق كينوقۇجاتتىڭ كوشىرمەسى الىنعان.
كينوقۇجاتتا بايان-ولگەي ايماعىنىڭ ون جانە جيىرما جىلدىعىنا ارنالعان بەينەقۇجاتتارى, وتاندىق دەلەگاتسيانىڭ جەرگىلىكتى قازاقتاردىڭ تىنىس-تىرشىلىگىمەن تانىسۋى تۋرالى دەرەكتەر بار. ال فوتوقۇجاتتاردا بايان-ولگەي ايماعىنداعى قازاق حالقىنىڭ تۇرمىسى, جەرگىلىكتى تەاتر ارتىستەرىنىڭ قويىلىمدارى, ءار جىلدارى موڭعوليا ەلىنە ساپارلاعان قازاقستان ازاماتتارى بەينەلەنگەن.
