ء«بىز 2025 جىلعا دەيىن 800 مىڭ بالانىڭ زاماناۋي مەكتەپتە وقۋىنا جاعداي جاسايمىز. وسىلايشا, اپاتتى جاعدايداعى جانە ءۇش اۋىسىممەن وقيتىن وقۋشىلار ءۇشىن مەكتەپ ماسەلەسىن تولىعىمەن شەشەمىز. بۇل اۋىل جانە قالا مەكتەپتەرىنىڭ ايىرماشىلىعىن ەداۋىر ازايتادى. جالپى, مەكتەپ سالۋ ۇكىمەت پەن اكىمدىكتەر ءۇشىن باستى مىندەتتىڭ ءبىرى بولۋى كەرەك», دەگەن پرەزيدەنت ءسوزى جادىمىزدا.
مەملەكەت باسشىسىنىڭ تاپسىرماسىنا سايكەس ەلىمىزدىڭ بارلىق قيىرىندا «جايلى مەكتەپ» ۇلتتىق جوباسى اياسىندا زاماناۋي ءبىلىم وشاقتارى بوي كوتەرىپ جاتىر. بۇل جۇمىس جامبىل وبلىسىندا دا تالاپقا ساي قولعا الىنعان. ماسەلەن, جاڭا وقۋ جىلىندا ءبىر ءبىلىم وشاعى پايدالانۋعا بەرىلدى. جالپى العاندا, قىركۇيەك ايىندا وڭىردە التى مەكتەپ پايدالانۋعا بەرىلدى.
بىرنەشە كۇن بۇرىن وبلىس ورتالىعى تاراز قالاسىندا №66 مەكتەپ وقۋشىلارعا ەسىگىن ايقارا اشتى. ءبىلىم بەرۋ نىسانى «جايلى مەكتەپ» ۇلتتىق جوباسى اياسىندا بوي كوتەرگەن بولاتىن. جەرگىلىكتى اتقارۋشى بيلىك وكىلدەرى كەلتىرگەن دەرەككە جۇگىنسەك, سۋ جاڭا ءبىلىم ورداسى 1 200 ورىنعا شاقتالعان. زاماناۋي قۇرال-جابدىقتاردىڭ بارلىعىمەن قامتاماسىز ەتىلگەن. جاڭا مەكتەپتىڭ اشىلۋ سالتاناتىنا قاتىسقان ءوڭىر باسشىسى ەربول قاراشوكەەۆ پرەزيدەنت تاپسىرماسى نەگىزىندە قولعا الىنعان جۇمىس ۇزدىكسىز جالعاساتىنىن تىلگە تيەك ەتتى.
«مەملەكەت باسشىسى قاسىم-جومارت توقاەۆتىڭ تاپسىرماسىنا سايكەس «جايلى مەكتەپ» ۇلتتىق جوباسى اياسىندا ءبىلىم ورداسى ەسىگىن ايقارا اشتى. جاڭا وقۋ جىلىندا ءدال وسىنداي مەكتەپ بايزاق اۋدانىنىڭ سارىكەمەر اۋىلىندا پايدالانۋعا بەرىلگەن بولاتىن. بۇل – جوبا اياسىندا بوي كوتەرگەن كەزەكتى ءبىلىم بەرۋ مەكەمەسى. جالپى, ۇلتتىق جوبا شەڭبەرىندە قولعا الىنعان جۇمىس الداعى ۋاقىتتا دا تالاپقا ساي جالعاسادى.
ۇلتتىق جوبا وقۋشى ورىندارىنىڭ تاپشىلىعى, اپاتتىق جاعدايداعى مەكتەپتەردى جويۋ جانە ءۇش اۋىسىمدى وقىتۋ ماسەلەسىن شەشۋگە باعىتتالعانى بارشاعا ءمالىم. ءبىزدىڭ باستى ماقساتىمىز – بالالاردىڭ ساپالى ءبىلىم, سانالى تاربيە الۋى ءۇشىن زاماناۋي, قاۋىپسىز ءارى ىڭعايلى ورتا قالىپتاستىرۋ. سول باعىتتا جۇمىس اتقارا بەرەمىز», دەدى ءوڭىر باسشىسى مەكتەپتىڭ اشىلۋ سالتاناتىندا سويلەگەن سوزىندە.
جاڭا ءبىلىم وشاعى تاراز قالاسىنداعى «بايتەرەك» شاعىن اۋدانىندا ورنالاسقان. ءبىلىم ۇياسىندا جايلىلىق پەن قاۋىپسىزدىكتىڭ بارلىق تالابى ساقتالعان. مۇندا قاجەتتى بەينەباقىلاۋ كامەرالارى مەن دابىل تۇيمەلەرى ورناتىلعان.
عيماراتتا 59 وقۋ كابينەتى بار ەكەن. سونىمەن قاتار ينتەراكتيۆتى تاقتا, زەرتحانالىق كابينەتتەر, جايلى كىتاپحانا, ارنايى شەبەرحانالار مەن كوۆوركينگ ورتالىق قاراستىرىلعان. سونداي-اق ەكى بىردەي سپورت زالمەن قامتىلعان. بۇدان بولەك, قوسىمشا ءبىلىم بەرۋ قاجەتتىلىگى بار بالالارعا ارنالعان ارنايى كابينەتتەر دە جەتكىلىكتى.
ء«بىزدىڭ شاعىن اۋداننىڭ تۇرعىندارى ءۇشىن بۇگىنگى كۇن – قۋانىشتى كۇن. ءبىز بۇل ءبىلىم بەرۋ نىسانىن اسىعا كۇتتىك. بالالارىمىزدىڭ باعىنا وراي ءوزىمىز قونىستانعان ءۇيدىڭ ماڭىنان سۋ جاڭا زاماناۋي ءبىلىم ورداسى اشىلعانى كوڭىل قۋانتادى. جاڭا مەكتەپتىڭ سالىنۋىنا كۇش سالعان ازاماتتاردىڭ بارلىعىنا ايتار العىسىمىز شەكسىز. ۇلتتىق جوبا اياسىندا زاماناۋي ءبىلىم ۇياسىنىڭ بوي كوتەرۋىنە ىقپال ەتكەن مەملەكەت باسشىسىنا دا زور العىسىمىزدى بىلدىرەمىز. ەندى ءبىزدىڭ بالالارىمىز پرەزيدەنت ارتقان سەنىمنىڭ ۇدەسىنەن شىعىپ, ءبىلىمدى ازاماتتاردىڭ قاتارىن تولىقتىرادى دەپ سەنەمىز. مۇنداي قۋانىش تاراز قالاسىنان بولەك بارلىق اۋدانعا دا جۇعىستى بولسىن», دەيدى كوپبالالى انا عاليا قۇلانباەۆا.
جالپى العاندا, كەيىنگى ۋاقىتتا تاراز قالاسىندا جاڭا ءبىلىم ورداسىن سالۋ جۇمىستارى قارقىندى جۇرگىزىلىپ جاتىر. ماسەلەن, جاڭا وقۋ جىلىندا «اراي» جانە «كازارما» تۇرعىن الابىنىڭ تۇرعىندارى ۇزاق جىل بويى ايتىپ كەلگەن مەكتەپ ماسەلەسى وڭىنان شەشىلىپ, جاڭا وقۋ ورداسى پايدالانۋعا بەرىلگەن بولاتىن. جەرگىلىكتى اتقارۋشى بيلىك وكىلدەرىنىڭ ايتۋىنشا, وبلىس ورتالىعىنداعى بالالاردىڭ ساپالى ءبىلىم الۋى ءۇشىن الداعى ۋاقىتتا دا قىرۋار جۇمىس اتقارىلماق.
تاراز
