فوتو: kaskelen.kz
تج-عا جەدەل دايىندىقتى ارتتىرۋ اياسىندا اقمولا وبلىسىندا ءورت سوندىرۋشىلەردەن, دارىگەرلەر مەن قۇتقارۋشىلاردان تۇراتىن امبەباپ بولىمشەلەر قۇرۋ بويىنشا پيلوتتىق جوبا ىسكە قوسىلدى. بۇل زارداپ شەككەندەردى قۇتقارۋ ءىسىن جەدەل ءارى كەشەندى تۇردە جۇزەگە اسىرۋعا جانە ولارعا العاشقى كومەك كورسەتۋگە مۇمكىندىك بەرەدى.
سونىمەن قاتار ءورت ءسوندىرۋ دەپولارىنىڭ قۇرىلىسىنا جاڭا ستاندارتتار ەنگىزىلىپ جاتىر. مىسالى, بيىلعى تامىز ايىنان باستاپ استانادا 3,5 ايدا تەز سالىناتىن قۇرىلىمداردان تۇرعىزىلعان ءورت ءسوندىرۋ بولىمشەسى جۇمىس ىستەيدى. مۇنداي قۇرىلىس قاعيداتى بارلىق وڭىردە ەنگىزىلەتىن بولادى. جالپى, ەلىمىز بويىنشا 121 ءورت ءسوندىرۋ دەپوسى قاجەت.
«ماتەريالدىق-تەحنيكالىق قامتاماسىز ەتۋدى نىعايتۋ شەڭبەرىندە العاش رەت بيىك عيماراتتاردى سوندىرۋگە ارنالعان 2 ورتكە قارسى درون ساتىپ الىنادى. بيىل رەسپۋبليكالىق جانە جەرگىلىكتى بيۋدجەتتەر ەسەبىنەن, سونداي-اق ليزينگكە 728 بىرلىك ارنايى تەحنيكا, 18 مىڭنان استام قۇرال-جابدىقتار ساتىپ الامىز. اۋداندىق بولىمشەلەردىڭ قاجەتتىلىكتەرى ءۇشىن تەحنيكانى ءبىرىنشى كەزەكتە بولەمىز», دەدى مينيستر.
