فوتو: elorda.info
دەرەكتەرگە كوز جۇگىرتسەك, وقۋدان وتكەن 47,4 مىڭ جۇمىسسىز ازاماتتىڭ 14,6 مىڭعا جۋىعى نەگىزىنەن اقتوبە, تۇركىستان, قاراعاندى, قىزىلوردا وبلىستارىنىڭ, شىمكەنت قالاسىنىڭ جاستارى. پلاتفورما ىسكە قوسىلعاننان باستاپ اۆتورلار ءتۇرلى باعىتتاردا 616 كۋرس ورنالاستىرسا, ونىڭ 281-ءى تەگىن. كۋرستاردىڭ ۇزاقتىعى 1-دەن 72 ساعاتقا دەيىن جالعاسادى. پلاتفورمادا الەۋمەتتىك قىزمەت كورسەتۋ, IT تەحنولوگيالار, تۋريزم, باسقا دا سالالارداعى ءتۇرلى ماماندىقتارعا قاتىستى تەگىن كۋرستار سانى ۇنەمى ارتىپ كەلەدى.
پلاتفورما حالىقتىڭ ءبىلىم دەڭگەيى مەن كاسىبيلىگىن ارتتىرۋعا, مانساپتىق دامۋدى ىنتالاندىرۋعا, ء«ومىر بويى وقىتۋ» تۇجىرىمداماسىن ىلگەرىلەتۋگە باعىتتالعان. وقۋعا enbek.kz سايتىنداعى «ونلاين وقىتۋ» ءبولىمىن تاڭداۋ ارقىلى وتۋگە مۇمكىندىك بار. پلاتفورمادا ءبىلىم الۋشى وزىنە وقىتۋدىڭ قولايلى ءتۇرىن تاڭداي الادى. سول سەكىلدى كۋرستىڭ ءتىلىن, ماتەريالدى بەرۋدىڭ ىڭعايلى ءتاسىلىن دە دەربەس تاڭدايدى. ءبىلىم الۋشى كەڭەيتىلگەن كۋرستاردى ىزدەپ, ساباقتىڭ تۇسىنىكتى قۇرىلىمىن تاڭداپ قانا قويماي, وقۋ ۇدەرىسىن باقىلاپ, كۋرس اۆتورلارىمەن بايلانىسا الادى. وقۋ اياقتالعان سوڭ ءبىلىم الۋشى 70% شەكتى دەڭگەيمەن تەست تاپسىرۋعا ءتيىس. ونلاين كۋرستى ءساتتى اياقتاعان جاعدايدا داعدىلاردى يگەرگەنىن راستايتىن سەرتيفيكات الادى. بۇل سەرتيفيكات ەلەكتروندى ەڭبەك بيرجاسىندا (enbek.kz) تىركەلگەندە جۇمىسسىز ازاماتتىڭ ءوزى ازىرلەگەن تۇيىندەمەدە اۆتوماتتى تۇردە كورسەتىلەدى. جۇمىس بەرۋشىلەر الگى جۇمىس ىزدەپ جۇرگەن ازاماتتىڭ پلاتفورمادا ءساتتى وقۋدان ءوتىپ, سەرتيفيكات العانىن كورە الادى.
پلاتفورمادا ونلاين كۋرستاردى ورنالاستىرۋ تەگىن. ول كۋرستاردى مەملەكەتتىك, ورىس تىلدەرىندە جاريالاۋعا بولادى. سونىمەن قاتار پلاتفورمادا ەرەكشە قاجەتتىلىكتەرى بار ءبىلىم الۋشىلاردىڭ مۇمكىندىگى نازاردان تىس قالماعان. جالپىعا اقىلى وقۋلاردىڭ قۇنىن الدىن الا ەسەپتەۋگە ارنالعان ونلاين-كالكۋلياتور قاراستىرىلعان.
