فوتو: ۆيدەودان الىنعان كادر
باس پروكۋراتۋرانىڭ حابارلاۋىنشا, كۇدىكتى 2023 جىلدىڭ تامىز ايىندا پاۆلودار قالاسىندا بىرەۋدىڭ مۇلكىن زورلىق-زومبىلىق ارقىلى يەمدەنۋ ماقساتىندا وسى قىلمىستى جاساۋ ءۇشىن تانىسىمەن قىلمىستىق كەلىسىمگە كەلگەن. جوسپارلارىن جۇزەگە اسىرۋ ءۇشىن كۇدىكتىلەر تۇنگى ۋاقىتتى پايدالانىپ, ماس كۇيىندە بۇرىن تانىس بولعان جابىرلەنۋشىنى قاراڭعى جەرگە اپارىپ, ەسىنەن تانىپ قالعانشا ۇرىپ-سوعىپ, 200 مىڭ تەڭگە مولشەردەگى مۇلكىن جىمقىرعان.
«دەنە جاراقاتتارى سالدارىنان جابىرلەنۋشىنىڭ دەنساۋلىعىنا اۋىرلىعى ورتاشا زيان كەلتىرىلگەن. سىبايلاستاردىڭ ءبىرى بۇعان دەيىن 5 جىلعا باس بوستاندىعىنان ايىرىلعان, ال ەكىنشى ايىپتالۋشى قاشىپ كەتكەن, سول سەبەپتى ول حالىقارالىق ىزدەۋگە جاريالانعان. وسى جىلدىڭ ءساۋىر ايىندا ول رەسەي فەدەراتسياسىنىڭ تۇمەن قالاسىنىڭ اۋماعىندا ۇستالدى, سودان كەيىن قازاقستان رەسپۋبليكاسى باس پروكۋراتۋراسىنىڭ سۇراۋى بويىنشا قازاقستانعا ەكستراديتسيالاندى», دەلىنگەن حابارلامادا.
قازىر تاڭدا كۇدىكتى ۋاقىتشا ۇستاۋ يزولياتورىنا قامالعان. وعان تاعىلعان قىلمىستى جاساعانى ءۇشىن مۇلكى تاركىلەنىپ, بەس جىلدان ون جىلعا دەيىنگى مەرزىمگە باس بوستاندىعىنان ايىرۋ جازاسى كوزدەلگەن.
