قازاق قىزى MMA IMMAF بويىنشا ەلىمىزدەن شىققان تۇڭعىش چەمپيون اتاندى. ارالاس جەكپە-جەكتەن الەم چەمپيوناتى حالىقارالىق ارالاس جەكپە-جەك فەدەراتسياسىنىڭ ۇيىمداستىرۋىمەن (IMMAF) تاشكەنتتە (وزبەكستان) ءوتتى. سپورتشى قىز 74,8 كەلى سالماقتا ونەر كورسەتىپ, التىن مەدال جەڭىپ الدى.
شيرەك فينالدا جەرلەسىمىز انگولالىق ەسپەرانسا چيلالدى 17:5 ەسەبىمەن جەڭىپ, جارتىلاي فينالدا تاعى ءبىر انگولالىق دجوردجينا ليۋدميلادان باسىم ءتۇستى (11:1). ال فينالدىق ايقاستا مەكسيكالىق مەليسسا دياس مەدينامەن كەزدەسىپ, قارسىلاسىن تاس-تالقان ەتىپ ۇتتى, ەسەپ – 13:1.
ء«مولدىر – قازاقستان تاريحىنداعى تۇڭعىش چەمپيون. تاريحي جەڭىس», دەپ جازدى قازاقستاننىڭ ارالاس جەكپە-جەك فەدەراتسياسىنىڭ ءباسپاسوز قىزمەتى.
تاشكەنتتەگى تۋرنير 4-10 قاراشا ارالىعىندا ءوتىپ جاتىر. ءمولدىر اشىربەكوۆادان بولەك قازاقستاندىق ەرۇلان قابدولوۆ (52,2 كەلى) تا چەمپيون اتانسا, تاعى التى سپورتشىمىز كۇمىس جانە قولا مەدال ەنشىلەدى.
