«كەيىنگى كەزدەرى جاستار اراسىنداعى قۇقىق بۇزۋشىلىقتىڭ كوبەيۋى بايقالادى. زورلىق-زومبىلىق, ۆانداليزم, بۇزاقىلىق فاكتىلەرى, بالالارعا قاتىستى قىلمىستاردىڭ ارتۋى الاڭداتادى. مەن پروكۋراتۋرا قىزمەتكەرى رەتىندە كۇن سايىن وسىنداي ىستەرگە كۋا بولامىن. بۇل بىزگە مورالدىق-پسيحولوگيالىق تۇرعىدان وتە اۋىر. ءبىر جاعىنان انا رەتىندە اياعىن شالىس باسقان جاستاردىڭ بولاشاعىن ۋايىمدايمىز, ەكىنشى جاعىنان زاڭگەر رەتىندە جانىڭ اۋىرادى. قالاي دەسەك تە, زاڭدى شەشىم شىعارىپ, جاستاردى تۋرا جولعا سالۋعا تىرىسامىز», دەدى ا. ايماعانوۆا.
سونداي-اق ول ء«تارتىپتى وزىڭنەن باستا!» قوعامدىق اكتسياسىن باستاۋعا شاقىردى.
«اكتسيانىڭ باستى ماقساتى – جاستار اراسىندا قۇقىقتىق مادەنيەتتى قالىپتاستىرۋعا ۇندەۋ, قۇقىق بۇزۋشىلىقتار مەن تارتىپسىزدىكتىڭ الدىن الۋ, قوعامدا زاڭ مەن ءتارتىپ ۇستەمدىگىن ناسيحاتتاۋ. وسى ارقىلى جاستاردى قۇقىقبۇزۋشىلىق كەسەلدەردەن اۋلاق بولۋعا تاربيەلەيمىز. «تارتىپكە باعىنعان قۇل بولمايدى, ءتارتىپسىز ەل بولمايدى» دەگەن داڭقتى قولباسشى باۋىرجان مومىش ۇلى. ءسوز سوڭىندا زاڭ مەن ءتارتىپتى باستى قۇندىلىق رەتىندە ۇستانىپ, مەملەكەتىمىزدە ادىلەتتىلىك پەن تۇراقتىلىقتى بيىك قويۋعا ءار ازامات, ءار وتباسى ءوز ۇلەسىن قوسۋعا مىندەتتى ەكەنىن اتاپ وتكىم كەلەدى», دەدى پروكۋرور.
