فوتو: Zakon.kz
ەربول وسپانوۆ eGov جۇيەسىندە تسيفرلىق قۇجاتتى QR كودى ارقىلى راستاۋ قولدانىلاتىنىن اتاپ ءوتتى.
«بۇل تسيفرلىق قۇجات تەگىن بەرىلەدى. بۇعان دەيىن دە كوپشىلىگىمىز وسى QR كودىن eGov جۇيەسىندە پايدالانىپ جاتىرمىز. ەكىنشىدەن, Face ID تەحنولوگياسى دەنساۋلىق ساقتاۋ مينيسترلىگىنىڭ جوباسى, وعان قاراجات بولىنبەگەن. بۇل شامامەن ءبىر ايدا ازىرلەنگەن قىزمەت», دەدى ەربول وسپانوۆ.
سونداي-اق, ۆيتسە-مينيستر پاتسيەنتتەردى سايكەستەندىرۋ جۇيەسىن ەنگىزۋ ءۇشىن بۇكىل قازاقستان بويىنشا ەمحانالار ارنايى ۆەب-كامەرالار ساتىپ الاتىنىن ءمالىم ەتتى.
«مەديتسينالىق ۇيىمدار پاتسيەنتتى انىقتاۋ ءۇشىن ۆەب-كامەرالاردى ساتىپ الۋعا مىندەتتى. كامەرالار 3000-4000 تەڭگەدەن, قىمباتى 15 مىڭ تەڭگەدەن باستالادى. ءبىز قۇنى 4000 تەڭگەگە جۋىق كامەرالاردى تەستىلەۋدەن وتكىزدىك, ولار قالىپتى, ۇزدىكسىز جۇمىس ىستەپ تۇر», دەدى ەربول وسپانوۆ.
شەنەۋنىكتىڭ ايتۋىنشا, بۇگىندە استاناداعى 48 مەديتسينالىق مەكەمەدە ناۋقاستاردى تسيفرلىق سايكەستەندىرۋ جۇيەسى ورناتىلعان.
