«ەڭ ماڭىزدى ماسەلەلەردىڭ ءبىرى – وتاندىق تاۋار وندىرۋشىلەردىڭ شىنايىلىعىن تەكسەرۋ. ءبارىمىز «جالعان تاۋار وندىرۋشىلەر» تۋرالى بىلەمىز. ولار مەملەكەتتىك قولداۋدىڭ تولىق كەشەنىنە قول جەتكىزەدى. وتاندىق وندىرىسكە ەشقانداي ۇلەس قوسپاي, تەك يمپورتتالعان تاۋارعا «قازاقستاندا جاسالعان» تاڭباسىن باسۋ ارقىلى عانا جەڭىلدەتىلگەن جولمەن مەملەكەتتىك ساتىپ الۋلارعا قاتىسادى. مىنە, سوندىقتان ءبىز قازىر «وتاندىق تاۋارلاردىڭ جانە تاۋار وندىرۋشىلەردىڭ بىرىڭعاي اشىق رەەسترىن» ازىرلەپ جاتىرمىز», دەدى ۇكىمەت باسشىسى.
ولجاس بەكتەنوۆ ادامي فاكتورلار مەن جەمقورلىق قاۋپىنەن قورعانۋ, كومپانيالاردىڭ قىزمەتىنە بارىنشا اشىق تالداۋ جاساۋ جانە شىن مانىندە تاۋار وندىرەتىن كومپانيالاردى انىقتاۋ ءۇشىن بۇل سالادا تسيفرلاندىرۋ بارىنشا كەڭ قولدانىلىپ جاتقانىن اتاپ ءوتتى.
