ءونىم مول ءتۇستى

سونىڭ ىشىندە, بيداي – 19,4 مىڭ, ارپا – 3,6 مىڭ, س ۇلى – 0,1 مىڭ, ازىقتىق داقىلدار – 6,9 مىڭ, كوكونىس جانە باقشا داقىلدارى 1,0 مىڭ گەكتار بولدى. قازىر وبلىستا ءداندى داقىلدار تولىق جينالعان.

وبلىس بويىنشا 23,1 مىڭ گەكتار ەگىستىك القابى تولىقتاي جينالىپ الىندى. باستىرىلعان استىقتىڭ ونىمدىلىگى ءار گەكتارعا 11 تسەنتنەردەن كەلىپ جاتقان كورىنەدى. ەگىن جيناۋ ناۋقانىنا 50-گە جۋىق كومباينشى, 80-نەن اسا اۆتوكولىك قاتىستى.

«كومباينداردىڭ 13-ءى «دجوندير», «ەسىل», «ۆەكتور» ءتارىزدى شەتەلدىك ماركالار بولدى. بۇلاردا كومباينشىلار ءۇشىن جۇمىس ىستەۋگە قولايلى جاعدايلار جاسالعان. وسىنداي زاماناۋي تەحنيكالاردى يگەرۋ ديقاندارىمىزدىڭ داۋلەتىن دە اڭعارتادى. سونداي-اق ولاردىڭ ەڭبەككە دەگەن جاڭاشا كوزقاراسى قالىپتاسا باستاعانىن دا ايعاقتايدى. ويتكەنى ەڭبەك ادامىنا قالىپتى جاعداي تۋدىرۋ – قازىر باستى تالاپتاردىڭ ءبىرى. ناۋقان بارىسىندا اۋىل شارۋاشىلىعى تاۋار وندىرۋشىلەرىنە ءليترى ورتاشا 250 تەڭگەنى قۇراعان 227,587 توننا ارزانداتىلعان ديزەل وتىنىنىڭ ءبولىنۋى دە وڭ اسەرىن تيگىزدى», دەدى باسقارما وكىلى.

ۇلىتاۋ وبلىسى