كاسىپورىن نەگىزىنەن ش ۇلىق شىعارۋمەن اينالىسادى. وتاندىق ءونىمنىڭ ساپاسى شەتەلدىك تاۋارلاردان كەم ەمەس. باعاسى دا قولجەتىمدى. كۇنىنە 32 مىڭ جۇپ ش ۇلىق شىعارۋعا قاۋقارلى فابريكا تولىعىمەن اۆتوماتتاندىرىلعان. وندىرىسكە قاجەتتى شيكىزاتتىڭ بارلىعى قىتايدان الىنادى.
«فابريكادا ش ۇلىقتىڭ 10 ءتۇرىن تىگەمىز. ديزاينى, ءتۇسى ءارتۇرلى. توقىلاتىن جىپتەرى دە تۇرلىشە. ەرلەرگە, ايەلدەرگە, بالالارعا ارنالعان ش ۇلىقتارىمىز بار. سونداي-اق سپورتتىق جانە ەگدە جاستاعى ادامدارعا ارنالعان ش ۇلىق تا شىعارامىز. ءبىر اپپارات ءبىر كۇندە 250 جۇپ ش ۇلىق توقيدى. مۇندا قازىر 40-قا جۋىق ستانوك بار. قوندىرعىلاردىڭ بارلىعى اۆتوماتتاندىرىلعان. سوندىقتان جۇمىسشى مامانداردىڭ قىزمەتى اسا اۋىر ەمەس. ەڭ باستىسى, ونىمدەرىمىزدىڭ ساپاسى جوعارى. وسى كۇنگە دەيىن تۇتىنۋشىلاردان ارىز-شاعىم تۇسكەن جوق. باعاسى دا نارىقتاعى وزگە تاۋارلاردان الدەقايدا تومەن», دەيدى ءوندىرىس ورنىنىڭ مامانى دارينا قالجانوۆا.
كاسىپورىندا 20-عا جۋىق مامان جۇمىس ىستەيدى. ولار جىلىنا 150 مىڭ جۇپ ش ۇلىق شىعارادى. زاماناۋي قوندىرعىلارمەن جابدىقتالعان كاسىپورىننىڭ ونىمدەرىن بۇگىندە شىمكەنت قالاسى, تۇركىستان وبلىسىنىڭ اۋدان, اۋىل تۇرعىندارى تانىپ ۇلگەرگەن. زاۋىت باسشىلارىنىڭ ايتۋىنشا, لوگيستيكا جاعىنان ەشقانداي ماسەلە جوق. سوندىقتان تاۋارلارى تۇرعىندارعا قولجەتىمدى باعامەن ۇسىنىلىپ وتىر.
ينۆەستورلار ش ۇلىق فابريكاسى تولىق قۋاتىنا جەتكەن سوڭ, كوستيۋم شىعاراتىن جوبانى جۇزەگە اسىرماق. بۇل جوباعا 2,8 ملرد تەڭگە ينۆەستيتسيا سالىنادى. كۇنىنە 500 كوستيۋم تىگۋ بولجانىپ وتىر.
«مەملەكەت باسشىسى مەكتەپ فورماسىنا ارنالعان مەملەكەتتىك تاپسىرىستى وتاندىق جەڭىل ونەركاسىپتى دامىتۋعا بەيىمدەگەن ءجون ەكەنىن ايتقان بولاتىن. ياعني مەكتەپ فورماسىن بارلىق وقۋشىعا قولجەتىمدى ەتۋ وتاندىق جەڭىل ونەركاسىپتى دامىتۋعا دا ىقپال ەتەدى. وسى ورايدا كوستيۋمنەن بولەك مەكتەپ فورمالارى, اياقكيىم, ءتىپتى سومكەگە دەيىن تىگۋدى كوزدەپ وتىرمىز. كاسىپتى باستاماس بۇرىن نارىقتى ابدەن زەرتتەدىك. قازىر ەلىمىزگە كيىم-كەشەكتىڭ بارلىعى دەرلىك وزگە ەلدەردەن يمپورتتالادى. ماقساتىمىز – تۇركىستاندا ويۋ-ورنەكتى, ۇلتتىق ناقىشتاعى وتاندىق ءونىمدى, كيىمدەردى شىعارۋ. ادەتتە تاۋار شەتەلدەن كەلگەندىكتەن, لوگيستيكا قۇنى قوسىلىپ, باعاسى شارىقتاپ كەتەدى. ال بىزدە ارزان. قولدانىپ وتىرعان تەحنولوگيالارىمىزدىڭ بارلىعى جاڭا. ءالى دە جاڭا تەحنولوگيالاردى ەنگىزىپ, ءوندىرىس كولەمىن, جەڭىل ونەركاسىپ ءورىسىن كەڭەيتە تۇسەمىز. ارنايى ماماندارعا تاۋارىمىزدىڭ ساپاسىن تەكسەرتەمىز. كەمشىلىكتەرى بولسا دەرەۋ تۇزەتەمىز. قوندىرعىلارىمىز كەلسە, قۋاتتىلىق تاۋلىگىنە 15–20 مىڭ جۇپ ش ۇلىققا دەيىن ارتادى», دەيدى مەكەمە اكىمشىسى تۇرمان قارسىباەۆ.
كاسىپورىن الداعى ۋاقىتتا وتاندىق شيكىزاتتى پايدالانۋدان ءۇمىتتى. ماقتاارال اۋدانىندا ماقتا-توقىما كلاستەرىن دامىتۋ ماقساتىندا 2024–2030 جىلدار ارالىعىندا جالپى قۇنى 70 ملرد تەڭگە بولاتىن 8 ءىرى جوبانى جۇزەگە اسىرۋ جوسپارلانعان. وسى ارقىلى 3 020 ادام جۇمىسپەن قامتىلىپ, بيۋدجەتكە قوسىمشا 1 ملرد 862 ملن تەڭگە سالىقتىق ءتۇسىم تۇسەدى. اۋدان اكىمى باقىت اسانوۆتىڭ ايتۋىنشا, «Cotton ماقتا» جشس 2025–2026 جىلدار ارالىعىندا جىلدىق قۋاتتىلىعى 10 مىڭ توننا بولاتىن ءجىپ ءيىرۋ فابريكاسىن سالماق. «Global Textile» جشس بىرلىك اۋىلدىق وكرۋگىنەن 13,8 مىڭ توننا قاتتى جانە بويالعان جايما وڭدەۋ فابريكاسىن سالۋ جوباسىن جۇزەگە اسىرادى. بۇگىندە 10 مىڭ توننا ماقتا شيكىزاتىن قابىلدايتىن بەكەت قۇرلىسى جۇرگىزىلىپ جاتىر. جوبا قۇنى – 21 ملرد تەڭگە. سونداي-اق «تulpar textile» جشس 2025–2028 جىلدارى 5 مىڭ توننا ءجىپ يىرەتىن فابريكا سالۋدى كوزدەپ وتىر.
تۇركىستان وبلىسىندا بيىل قاڭتار-قىركۇيەك ايلارىندا جەڭىل ونەركاسىپ ءوندىرىسىنىڭ كولەمى 20 852,7 ملن تەڭگە بولعان, ياعني توقىما بۇيىمدارى وندىرىسىندە – 19 123,3 ملن تەڭگەگە, كيىم وندىرىسىندە 1 598,8 ملن تەڭگەگە ءونىم ءوندىرىلدى. وبلىس اۋماعىندا جەڭىل ونەركاسىپ سالاسىندا 50-گە جۋىق كاسىپورىن بار. ونىڭ باسىم بولىگى ماقتا وڭدەيدى, سونداي-اق 8 تىگىن كاسىپورنى مەن 9 تىگىن تسەحى جۇمىس ىستەيدى.
تۇركىستان وبلىسى
