فوتو: سىرتقى ىستەر مينيسترلىگى
«Hyundae Hospital» كومپانياسىنىڭ باسشىلىعىمەن وتكەن جيىندا الماتى وبلىسىندا 200 ورىندىق كوپ بەيىندى اۋرۋحانا سالۋ جوباسى تالقىلاندى, ونى قازاقستاندىق «شين-لاين» كومپانياسىمەن بىرلەسىپ ىسكە اسىرۋ جوسپارلانىپ جاتىر. م. نۇرتىلەۋ بۇل جوبانىڭ قازاقستاننىڭ الەۋمەتتىك سالاسى ءۇشىن ماڭىزدىلىعىنا نازار اۋدارىپ, اۋرۋحانا قۇرىلىسى كورەي مودەلى بويىنشا مەديتسينالىق قىزمەتتەر جۇيەسىن جاقسارتاتىنىن جانە وزىق تەحنولوگيالاردى قولدانۋدى قامتاماسىز ەتەتىنىن اتاپ ءوتتى.
ال «With You E&C» كومپانياسىنىڭ وكىلدەرىمەن 2060 جىلعا قاراي قازاقستاننىڭ كومىرتەگى بەيتاراپتىعىنا قول جەتكىزۋ جولىنداعى ماڭىزدى قادام بولاتىن قىزىلوردا وبلىسىندا قوقىس وڭدەۋ زاۋىتىنىڭ قۇرىلىسىنا قاتىستى ماسەلەلەر تالقىلاندى. زاۋىت ەكولوگيالىق جاعدايدى جاقسارتۋعا جانە ايماق ەكونوميكاسىنىڭ تۇراقتى دامۋىنا ىقپال ەتەتىن بولادى. كومپانيا سونداي-اق جوبانى كەڭەيتۋگە جانە قازاقستاننىڭ باسقا وبلىستارىندا ۇقساس زاۋىتتار قۇرۋعا دايىن ەكەنىن جەتكىزدى.
«Sejong» جانە «Seoyon E-HWA» كومپانيالارىنىڭ باسشىلارىمەن كەزدەسۋ بارىسىندا قوستاناي وبلىسىندا اۆتوكومپونەنتتەر وندىرۋگە سايكەس جوبالار تالقىلاندى. كورەي ارىپتەستەرى قازاقستان ەكونوميكاسىنا ينۆەستيتسيا سالۋعا جوعارى قىزىعۋشىلىق تانىتىپ, جاڭا تەحنولوگيالاردى تابىستى يگەرۋ ءۇشىن جەرگىلىكتى كادرلاردى وقىتۋعا دايىن ەكەنىن ايتتى.
