ءمينيستردىڭ ايتۋىنشا گولليۆۋدتىق ستۋديالاردىڭ قازاق تىلىندە دۋبلياج جاساۋدى قولداۋى مادەني ديالوگتى دامىتۋعا ىقپال ەتىپ قانا قويماي, ءتىلىمىزدىڭ ناسيحاتتالۋىنا مۇمكىندىك بەرەدى. جاقىندا جارىق كورگەن «ۆەنوم: سوڭعى بي» ءفيلمى قازاق تىلىندە كورەرمەن نازارىنا ۇسىنىلىپ, وسى ءۇردىستىڭ جارقىن مىسالىنا اينالدى.
«بۇگىن ءبىز حالىقارالىق كينويندۋسترياداعى ماڭىزدى تەندەنتسيانى بايقاپ, باعامداپ وتىرمىز. الەمدىك كومپانيالاردىڭ قازاق تىلىندەگى دۋبلياج جاساۋعا كەتەتىن شىعىنداردى ءوز موينىنا الۋى – قازاق ءتىلىن الەمدىك مادەني الۋاندىقتىڭ ماڭىزدى ەلەمەنتى رەتىندە مويىنداۋىنىڭ بەلگىسى. قازىرگى كەزدە تەك قازاق تىلىندەگى دۋبلياجدى فيلمدەر شىعارۋ عانا ەمەس, سونىمەن قاتار, قازاق ءتىلىنىڭ دامۋىنا ۇلەس قوساتىن باستامالاردى دا قولداۋ وتە ماڭىزدى. دۋبلياج - جاي عانا اۋدارما ەمەس, الەمدىك وبرازدار مەن سيۋجەتتەردى قازاقتىلدى اۋديتورياعا جاقىنداتاتىن, زور جاۋاپكەرشىلىكتى تالاپ ەتەتەن ەرەكشە ونەر. وسىنداي جەمىستى جۇمىس اتقارىپ جۇرگەن سەرىكتەستەرىمىزگە العىس ايتامىن. كينو – بۇل ونەردىڭ قايتالانباس ءتىلى جانە الەمدىك كەيىپكەرلەر قازاق تىلىندە سويلەگەن كەزدە, ءبىزدىڭ مادەني قۇندىلىقتارىمىز بەن الەمدىك مادەني مۇرانىڭ اراسىندا بەرىك بايلانىس قالىپتاسارى ءسوزسىز», دەدى مينيستر.
