مادەنيەت جانە اقپارات مينيسترلىگى
كورمە 2025 جىلدىڭ 24 ناۋرىزىنا دەيىن جالعاسادى.
قازاقستان ەۋروپا ەلدەرىمەن مادەني-گۋمانيتارلىق ىنتىماقتاستىقتى نىعايتۋعا كوپ كوڭىل بولەدى.
بۇل سالاداعى ءوزارا ءىس-قيمىلدىڭ ماڭىزدى باعىتتارىنىڭ ءبىرى – تاريحي-مادەني مۇرانى دارىپتەۋ.
قورىندا قازاقستاننىڭ بىرنەشە مادەني جادىگەرى بار, ازيا ونەرىنىڭ الەمدەگى ەڭ تولىق جانە ەۋروپا ايماعىنداعى ەڭ ءىرى كوللەكتسيالارى ساقتالعان گيمە – ازيا ونەرىنىڭ ۇلتتىق مۋزەيىندە قازاقستاننىڭ تاريحي مۇراسىنان كورمە وتكىزۋ ونەر الەمىندەگى ەلەۋلى وقيعا بولاتىنى انىق.
كورمە ماقساتى: مۋزەي جادىگەرلەرىن يممەرسيۆتى تەحنولوگيالاردىڭ سۇيەمەلدەۋىمەن قازاق مەملەكەتتىلىگىنىڭ عاسىرلار بويى دامۋىنىڭ تاريحي-وركەنيەتتى باستاۋلارىنا, قازاق حالقىنىڭ مادەني كودىنىڭ ساباقتاستىعى مەن بىرەگەيلىگىنە ەرەكشە نازار اۋدارا وتىرىپ, ەۋروپا جانە فرانتسۋز جۇرتشىلىعىنا قازاقستان مادەنيەتىنىڭ كوپعاسىرلىق تاريحى مەن باي قازىناسىن كورسەتۋ.
ەكسپوزيتسيادا قازاقستان تاريحىنىڭ نەگىزگى كەزەڭدەرىن (ب.ز.د. ءىىى مىڭجىلدىقتان XVIII عاسىرعا دەيىن) سيپاتتايتىن 35 سيرەك ارتەفاكت ۇسىنىلعان.
ەكسپوزيتسيا 5 بولىمنەن تۇرادى:
– توبىل ويشىلى, بوتاي مادەنيەتى جانە جىلقىنى قولعا ۇيرەتۋ;
– التىن ادام. العاشقى ساق مەملەكەتتەرىنىڭ پايدا بولۋى;
– تاس ءمۇسىن (بالبال). تۇركى بيلىگى كەزەڭىندەگى ورتاعاسىرلىق قازاقستان;
– قوجا احمەت ياساۋي كەسەنەسىنىڭ شىراعداندارى. يسلامنىڭ دامۋى;
– قازىبەك ءبيدىڭ شاپانى. قازاق حاندىعى جانە بۇگىنگى قازاقستاننىڭ پايدا بولۋى.
اشىلۋ سالتاناتىنا قازاقستان مەن فرانتسيانىڭ كورنەكتى مەملەكەتتىك ساياسي قايراتكەرلەرى, ديپلوماتيالىق كورپۋس, مادەنيەت جانە ونەر وكىلدەرى, عىلىمي جانە ستۋدەنتتىك قوعامداستىق, ەۋروپاداعى قازاق دياسپوراسى قاتىسادى.
كورمە 2025 جىلدىڭ 24 ناۋرىزىنا دەيىن جالعاسادى.
