فوتو: ۆەدومستۆونىڭ ءباسپاسوز قىزمەتى
تاراپتار ترانسشەكارالىق وزەندەردە سۋ ءبولۋ ماسەلەسىن تالقىلادى. ول ءۇشىن قۇرامىنا قوس تاراپتىڭ ساراپشىلارى كىرەتىن ارنايى جۇمىس توبى جاساقتالعان. باستى ماقسات – ىلە-بالقاش باسسەينىن سۋمەن تۇراقتى قامتاماسىز ەتۋ, بالىق شارۋاشىلىعىن جانە ءتۋريزمدى دامىتۋ.
ۆەدومستۆو الداعى ۋاقىتتا قحر سۋ شارۋاشىلىعى مينيسترلىگىمەن ىنتىماقتاستىق تۋرالى مەموراندۋمعا قول قويۋعا نيەتتى.
مينيسترلىكتىڭ ءباسپاسوز قىزمەتىنىڭ ءمالىم ەتۋىنشە سونىمەن قاتار, تاراپتار قازاقستاننىڭ سۋ ينفراقۇرىلىمىن بىرلەسىپ جاڭعىرتۋ جانە اۆتوماتتاندىرۋ, سۋ ۇنەمدەۋ تەحنولوگيالارىن ازىرلەۋ مەن ەنگىزۋ, سونداي-اق قىتايدا قازاقستان ماماندارىنىڭ بىلىكتىلىگىن ارتتىرۋ ماسەلەلەرىن تالقىلادى.
«قازاقستان ماماندارىن قىتايدا بىلىكتىلىك ارتتىرۋ كۋرستارىنان وتكىزۋ تۋرالى Power China كومپانياسىمەن كەلىسىمگە كەلدىك. بۇگىنگى باستامالار ەكىجاقتى قارىم–قاتىناسقا جاڭا سەرپىن بەرەدى دەپ ويلايمىن», دەدى مينيستر نۇرجان نۇرجىگىتوۆ.
ءوز كەزەگىندە چجان سياو قىتاي تاراپى قازاقستانمەن سۋ ىنتىماقتاستىعىنا ۇلكەن ءمان بەرەتىنىن جانە تاجىريبە مەن تەحنولوگيا الماسۋدى جالعاستىرۋعا نيەتتى ەكەنىن اتاپ ءوتتى.
