فوتو: اشىق دەرەككوز
«كونكۋرستىق پروتسەسكە قاتىسۋشىلاردىڭ بارلىعىمەن اشىق كونكۋرستىق ديالوگ ءراسىمىن باستايتىن ارنايى ۇكىمەتتىك كوميسسيا قۇرىلادى. الدىن الا كونسۋلتاتسيالار باستالىپ تا كەتتى. قحر مەن كورەيادا كەزدەسۋلەر مەن ساپارلار ءوتتى. ءبىز الەۋەتتى جەتكىزۋشىلەردەن العىمىز كەلەتىن باعىتتاردى الدىن الا ايتىپ جاتىرمىز.ولار قاراپايىم, بۇل ەلەكتر ەنەرگياسىنىڭ قۇنى, قۇرىلىس قۇنى, بيۋدجەت شەگىندە مەرزىمىندە اياقتالۋ كەپىلدىگى. بۇل, ەڭ الدىمەن, قاۋىپسىزدىك ماسەلەلەرى, بارلىق الەۋمەتتىك پاكەت, قارجىلاندىرۋدى قامتاماسىز ەتۋگە, وتىن ءوندىرىسىن وقشاۋلاۋعا بايلانىستى ماسەلەلەر», دەدى الماسادام ساتقاليەۆ.
ونىڭ ايتۋىنشا, ديالوگ اياسىندا كوميسسيا ۇكىمەت باسشىلىعىنا بۇل ماسەلەنى قر پرەزيدەنتى جانىنداعى ەنەرگەتيكالىق كەڭەستە قاراۋ ءۇشىن ءوز ۇسىنىستارىن دايىندايتىن بولادى.
مينيستر قارجى-ەكونوميكالىق بلوك, قۇقىقتىق جانە تەحنيكالىق ماسەلەلەر بويىنشا كەڭەسشىلەردى تارتۋ جوسپارلانىپ وتىرعانىن ايتتى.
ەسكە سالا كەتەيىك, رەفەرەندۋمنىڭ قورىتىندىسى بويىنشا ازاماتتاردىڭ 71,12 پايىزى اەس قۇرىلىسىن قولداپ داۋىس بەرگەن ەدى.
