فوتو: ت.تاناباەۆ
مەملەكەت باسشىسى قاسىم-جومارت توقاەۆتىڭ باستاماسىمەن ەلىمىزدە بۇقارالىق سپورتتى دامىتۋعا ەرەكشە كوڭىل ءبولىنىپ وتىر. وسى ءدۇبىرلى دودا – سول باستامانىڭ جارقىن كورىنىسى.
ءتۋرنيردى پارلامەنت ءماجىلىسىنىڭ دەپۋتاتى ەلنۇر بەيسەنباەۆ اشىپ, جارىسقا قاتىسۋشىلاردى رەسپۋبليكا كۇنىمەن قۇتتىقتادى.
ء«داستۇرلى جارىسىمىز وسىمەن ءۇشىنشى رەت ءوتىپ جاتىر. جۋرناليستەرىمىز فۋتبولدى جاقسى كورەتىنىن جاقسى بىلەمىز. سوندىقتان جىل سايىن وسى دوداعا دەگەن قىزىعۋشىلىق جوعارى. ءبىز ءاردايىم بۇقارالىق سپورتقا ەرەكشە ءمان بەرەمىز. وسى باعىتتا وزدەرىڭىزبەن بىرلەسىپ, جۇمىس ىستەۋگە دايىنبىز. بۇگىنگى تۋرنير تارتىستى وتەدى دەپ ويلايمىن. بارشاڭىزعا ساتتىلىك سەرىك بولسىن», دەدى دەپۋتات ە.بەيسەنباەۆ.
جارىسقا شىعىس قازاقستان, جەتىسۋ, تۇركىستان, قىزىلوردا, الماتى وبلىستارىنان, شىمكەنت پەن الماتى قالالارىنان, سونداي-اق استانادان 20-عا جۋىق كوماندا قاتىسىپ جاتىر.
ءماجىلىس دەپۋتاتتارى مەن قىزمەتكەرلەرى دە بۇقارالىق سپورتتى قولداپ, جۋرناليستەرمەن بىرگە دوپ تەپتى.
تۋرنير قازاقستان فۋتبول فەدەراتسياسىنىڭ, ەلوردا اكىمدىگىنىڭ قولداۋىمەن ءوتىپ جاتىر.
