جەرگىلىكتى باسىلىمنىڭ جازۋىنشا, قايعىلى وقيعا 18 قازان كۇنى كەشكە بولدى. ايەل وتباسىمەن ۇيدە بولعان, ءبىر ۋاقىتتا ءوزىن ناشار سەزىنىپ, شارشاعانىن ايتىپ, جاتىپ دەمالۋعا شەشىم قابىلداعان. كەيىن تۋىستارى ونى ءولى كۇيىندە تاپقان. ول جۇكتىلىكتىڭ 34-اپتاسىندا بولعان.
جەدەل جاردەم دارىگەرلەرى اقمولالىق ايەلدىڭ ولار كەلگەنگە دەيىن قايتىس بولعانىن راستادى. ءولىمنىڭ الدىن الا سەبەبى - جەدەل جۇرەك جەتكىلىكسىزدىگى. زورلىق-زومبىلىقتىڭ ىزدەرى تابىلعان جوق.
پوليتسيا بەستوبە تۇرعىنىنىڭ قايتىس بولۋ دەرەگى بويىنشا سوتالدى تەرگەۋ باستالعانىن, ساراپتامالار مەن تەرگەۋ ءىس-شارالارى جۇرگىزىلىپ جاتقانىن حابارلادى.
قىلمىستىق كودەكستىڭ بابىنا سايكەس وزگە اقپارات جاريا ەتىلمەيدى.
