فوتو: اشىق دەرەككوز
پوليتسيانىڭ حابارلاۋىنشا, تۇركىستان-ستامبۋل رەيسىنە تىركەلۋ كەزىندە 71 جاستاعى گەرمانيا ازاماتى قازاقستاننىڭ ازاماتتىق تۋرالى زاڭناماسىن بۇزعانى ءۇشىن ۇستالعان. تەكسەرۋ بارىسىندا ونىڭ قازاقستان رەسپۋبليكاسى مەن گەرمانيا فەدەراتيۆتىك رەسپۋبليكاسىنىڭ ازاماتتىعىن العانى انىقتالعان.
«كولىك پوليتسەيلەرى قۇقىق بۇزۋشىعا قاتىستى قازاقستان رەسپۋبليكاسىنىڭ زاڭناماسىندا بەلگىلەنگەن مەرزىمدە شەتەل ازاماتتىعىن الۋ فاكتىسىن حابارلاماعانى ءۇشىن اكىمشىلىك حاتتاما جاسادى. تۇركىستان وبلىسىنىڭ مامانداندىرىلعان اكىمشىلىك سوتى ونى كىنالى دەپ تانىپ, 140 اەك (516 880 تەڭگە) ايىپپۇل سالدى», دەلىنگەن حابارلامادا.
