بەدەلدى وقۋ ورنىنىڭ مەرەيلى بەلەسى

كونفەرەنتسيانىڭ اشىلۋ سالتاناتىنا پرەمەر-ءمينيستردىڭ كەڭەسشىسى ەرالى توعجانوۆ, پرە­زي­دەنت ءىس باسقارماسى مەدي­تسي­نالىق ورتالىعىنىڭ باسشىسى الەكسەي تسوي, دۇنيەجۇزىلىك دەنساۋلىق ساقتاۋ ۇيىمى ەلدىك ءوفيسىنىڭ باسشىسى سكەندەر سولا, پارلامەنت دەپۋتاتتارى قاتىستى. باسقوسۋعا وتاندىق مەديتسينالىق ۋني­ۆەرسيتەتتەردىڭ رەكتورلارى, تۇركيا, وزبەكستان, رەسەي, نيدەرلاند, بەلارۋس, باسقا دا ەلدەردىڭ مەديتسينالىق جوعارى وقۋ ورىندارىنان باسشىلارى, ماماندارى شاقىرىلدى. دەنساۋلىق ساقتاۋ ءمينيسترى اقمارال ءالنا­­زا­روۆا ۋنيۆەرسيتەت تاريحىنا توقتالىپ, سالاداعى بەت-بەدەلىن اتاپ ءوتىپ, الداعى جوبا-جوسپارلارىنا تابىس تىلەدى.

– استانا مەديتسينا ۋني­ۆەرسيتەتىنىڭ تاريحى 1964 جىلى تسەلينوگراد مەملەكەتتىك مەديتسينا ينستيتۋتىن قۇرۋدان باس­تالدى. ول كەيىننەن اكادەمياعا, سوسىن ۋنيۆەرسيتەتكە اينالدى. وسى جىلدار ىشىندە ۋنيۆەرسيتەت مەديتسينالىق ءبىلىم مەن عىلىم سالاسىندا كوشباس­شى بولدى. ءبىلىم بەرۋدەگى ين­نو­ۆا­تسيا­لىق تاسىلدەر مەن جوعارى ستاندارتتارعا دەن قويدى. دەن­ساۋلىق ساقتاۋ مي­نيستر­لىگىنىڭ رەفورمالارى مەن باس­تامالارىن بەلسەندى قولدادى. جوعارى وقۋ ورىنى مۇنىمەن توقتاپ قال­مايدى. وسى كونفەرەنتسيا اياسىندا رەسپيراتورلىق مەديتسينا, جۇرەك ىرعاعى سالاسىندا ەكى جاڭا عىلىمي-زەرتتەۋ ينستيتۋتىن اشۋ جوسپارلانعان. سونداي-اق مەديتسينا قىزمەتكەرلەرىنىڭ رادياتسيالىق قاۋىپسىزدىگى ماسەلە­لە­رى جونىندەگى وقۋ ورتالىعى مەن رەفەرەنت-زەرتحانا اشىلادى, – دەدى مينيستر.

مەديتسينا ۋنيۆەرسيتەتى قۇ­­رىل­عان بۇگىنگى كۇنگە دە­يىن 30 مىڭنان استام مامان دايارلاپ شىعاردى. ولار جوعارى دارەجەلى دارىگەرلەر, فار­ما­تسەۆت­­تەر, مەيىر­گەر­لەر, دەن­ساۋ­لىق ساقتاۋ سالاسىن ۇيىم­داس­­تىرۋشىلاردىڭ قاتارىن تو­لىق­تىردى. ۋنيۆەر­سيتەتتىڭ عى­لى­مي قىزمەتتى دامى­تۋ­عا قوس­قان ۇلەسى ءوز الدىنا ءبىر توبە. ۋني­ۆەرسيتەت جانىندا راديوبيولوگيا جانە رادياتسيالىق قورعاۋ, پروفيلاكتيكالىق مەديتسينا, راديولوگيا سالاسىنداعى عىلى­مي-زەرتتەۋ ينستيتۋتتارى بار. وندا مەديتسيناداعى ماڭىزدى زەرتتەۋلەر جۇرگىزىلەدى.

كونفەرەنتسيادا دەنساۋلىق ساقتاۋ ءمينيسترى ا.ءالنازاروۆا دەنساۋلىق ساقتاۋ سالاسىنىڭ ارداگەرلەرىنە, پراكتيكالىق دارىگەرلەرگە, ۋنيۆەرسيتەتتىڭ وقىتۋ­شى­لار قۇرامىنا «ەڭبەك ارداگەرى» مەدالىن, «دەنساۋلىق ساقتاۋ ءىسىنىڭ ۇزدىگى», «دەن­ساۋلىق ساقتاۋ سالاسىن دامىتۋعا قوسقان ۇلەسى ءۇشىن» توسبەلگىلەرىن تابىس ەتتى. مي­نيستر مەديتسينا عىلىمدارىنىڭ دوكتورى, پروفەسسور ساليدات قايىربەكوۆا اتىنداعى ستيپەنديانى قو­­عام­دىق دەنساۋلىق ساقتاۋ مەكتەبىنىڭ 3-كۋرس ستۋدەنتى ماليكا ايبە­كوۆاعا تابىس­تادى.

استانا مەديتسينا ۋنيۆەر­سي­تەتىنىڭ رەكتورى كامالجان نادىروۆ وقۋ ورنىن, عى­لىمدى دامىتۋ ماقساتىندا ىسكە اسىپ جاتقان جۇمىسقا توقتالدى.

– ءۇش جىل بۇرىن ءبىز جوعا­­رى وقۋ ورىنىن زەرتتەۋ ۋني­ۆەر­سيتەتىنە اينالدىرۋعا باعىت­تال­عان جاڭا دامۋ ستراتەگياسىن قابىلدادىق. ءبىزدىڭ جوو جانىندا ءۇش عىلىمي-زەرتتەۋ ينستيتۋتى تابىستى جۇمىس ىستەپ كەلەدى. زەرتتەۋ قىزمەتىن دامىتۋدا عىلىمي قىزمەتكەرلەردى عانا ەمەس, سونىمەن قاتار جاس زەرت­­تەۋشى ستۋدەنتتەردى دە بەلسەندى قولدايتىن ارنايى عىلىم قورىن قۇردىق. دەنساۋلىق ساقتاۋ مي­نيستر­لىگىنىڭ قولداۋىمەن Medipol University جەتەكشى ەۋرو­پالىق ۋني­ۆەرسيتەتىنىڭ فيليالىن اشۋ­عا قاتىستى جۇمىس جان-جاق­تى جۇرگىزىلىپ جاتىر, – دەدى ك.نادىروۆ.

ەكى كۇنگە جالعاسقان كونفەرەنتسيادا يننوۆاتسيالىق ەمدەۋ ادىستەرىنەن باستاپ, مە­دي­تسينالىق ءبىلىم بەرۋدەگى وزەكتى ماسەلەلەرگە دەيىن قا­رال­­دى. مەديتسينا ماماندارى دەنساۋلىق ساقتاۋ سالاسىنا مامان دايارلاۋ, يننوۆاتسيالىق تەحنولوگيالاردى كلينيكالىق پراكتيكادا قولدانۋ, تسيفرلاندىرۋ, مەديتسينا عىلىمىن دامىتۋ كەلەشەگىن كەڭ كولەمدە تال­قىلادى.