فوتو: Halyq Uni
ەسكە سالا كەتەيىك, بۇعان دەيىن پاۆلودار وبلىسىندا بيۋدجەت قاراجاتىن پايدالانۋ تيىمدىلىگىنە مەملەكەتتىك اۋديت جۇرگىزىلگەن ەدى. اۋديت بارىسىندا ءىس جۇزىندە ورىندالماعان قۇرىلىس جۇمىستارىنا شامامەن 731 ملن تەڭگەگە اقى تولەنگەنى انىقتالعان. پاۆلودار قۇرىلىس ءبولىمى بۇرىن تولەم جاسالعان اكتىلەر نەگىزىندە مەردىگەر ۇيىمعا تولەم جۇرگىزگەن.
وسىعان بايلانىستى قارجى مينيسترلىگىنە قازىناشىلىق بيۋدجەتتىك ينۆەستيتسيالىق جوبالار بويىنشا كوپتەگەن قۇرىلىس شارتتارىن سۇيەمەلدەي الاتىنداي وزگەرىستەر ەنگىزۋ تاپسىرىلعان.
«25 قىركۇيەكتە بيۋدجەتتىڭ اتقارىلۋى جانە وعان كاسسالىق قىزمەت كورسەتۋ ەرەجەسىنە تۇزەتۋلەر ەنگىزىلدى. وعان سايكەس قازىناشىلىق سۇيەمەلدەۋ سمەتالىق قۇنى 1 ملرد تەڭگەدەن باستالاتىن شارتتارعا قاتىستى قولدانىلادى. بۇعان دەيىن بۇل كورسەتكىش 2 ملرد تەڭگەنى قۇراعان ەدى», دەلىنگەن حابارلامادا.
بۇل وزگەرىس 2025 جىلعى 1 قاڭتاردان باستاپ قولدانىسقا ەنگىزىلەدى.
