فوتو: ۆيدەودان الىنعان كادر
پوليتسەيلەردىڭ حابارلاۋىنشا, رىسقۇلوۆ كوشەسىندەگى لومباردتاردىڭ بىرىندە بەتپەردە كيگەن بەلگىسىز بىرەۋ جۇمىسشىلاردى تاپانشاعا ۇقساس زاتپەن قورقىتىپ, 100 مىڭ تەڭگە تالاپ ەتكەن. ءدال سول ۋاقىتتا لومباردتا بولعان 18 جاستاعى جاسوسپىرىمدەر باسقىنشىنىڭ ويلاعانىن جۇزەگە اسىرۋعا كەدەرگى جاساعان. ولار ساقشىلار كەلگەنشە قىلمىسكەردى ۇستاپ وتىرعان.
تۇران اۋداندىق پوليتسيا قىزمەتكەرلەرى ۇرىنى قولعا تۇسىرگەن.
«اۋداندىق ىشكى ىستەر ءبولىمىنىڭ باستىعى نۇرجان تىلەۋوۆ جاسوسپىرىمدەردى ەرلىكتەرى ءۇشىن العىس حاتپەن ماراپاتتادى», دەلىنگەن حابارلامادا.
