سۇتتەن تابىس تاۋىپ وتىر

ىرگەدەگى جۋالى اۋدانى­نا قاراستى الاتاۋ اۋىلى­نىڭ تۇرعى­نى ءنازيرا بايدوسوۆا­نىڭ وتباسى دا مەملەكەت قولداۋىن ايقىن سەزىنىپ وتىر. الاقانداي ەلدى مەكەن «اۋىل اماناتى» باعدار­لاماسىنا ەنگەن كەزدە بۇل وتباسى قاراپ جاتپاي, بىلەك سىبانىپ ىسكە كىرىستى. دەر كەزىندە قاجەتتى قۇجات­تى ازىرلەپ, زەڭگى بابا ت ۇلىگىن وسىرۋگە نيەت ەتتى. «ەلدار» جەكە كاسىپكەرلىگىن اشقان ولار اتا كاسىپ ارقىلى مول تابىسقا كەنەلەتىنىنە سەنىمدى بولدى. ناتيجەسى كوپ كۇتتىرگەن جوق.

«راسى كەرەك, ەڭبەك ەتكەن ادام تابىسقا كەنەلەدى. قازىر «الما ءپىس, اۋزىما ءتۇس» دەپ جاتاتىن ۋاقىت ەمەس. ءىس باستايمىن دەگەن وتبا­سىلارعا مەملەكەت تاراپىنان ءتۇرلى دەڭگەيدە قولداۋ كورسەتىلىپ جات­قانىن كوز كورىپ وتىر. تەك ءار ادامنىڭ بويىندا كاسىپتى دوڭگەلەتىپ اكەتۋگە دەگەن نيەت بولسا جەتكىلىكتى. وتاعاسى ەركەۇلان بايدوسوۆتىڭ قولداۋىنىڭ ارقاسىندا جىل بۇرىن «اۋىل اماناتى» باعدارلاماسى ارقىلى جەڭىلدەتىلگەن پايىزبەن نەسيە الۋعا نيەت ءبىلدىرىپ, قۇجات تاپسىرىپ, تيەسىلى قاراجات­تى الدىق. قولىمىزعا تيگەن قار­جى­نىڭ 7,5 ملن تەڭگەسىنە مال, قال­عان قاراجاتقا جەمشوپ الدىق. وسىلايشا, جاڭا ءبىر ءىستى باستاۋعا بەل بۋىپ كىرىستىك. نەگىزى, نەسيە الۋ­دىڭ ءوز كريتەريلەرى بار ەكەن. ونىڭ ماقساتى مەن مىندەتىن اۋىلى­مىزدا جۇرگىزىلگەن ءتۇسىندىرۋ جۇمىس­تارى كەزىندە تولىقتاي بىلدىك. وتباسىمىزدىڭ جوبا اياسىندا نەسيە راسىمدەۋىنە ماماندار­دىڭ دا كوپ كومەگى ءتيدى», دەيدى ن.بايدوسوۆا ماسەلەنىڭ مانىسىنە ءۇڭىلىپ.

ايتۋىنشا, نەسيە الۋعا قۇجات ازىرلەمەي تۇرىپ, بايدوسوۆتار وتبا­سى الدىمەن قورا-جايدى جاڭا­لاۋعا كىرىسىپتى. قۇجات تاپسىرعان كەز­دە ماماندار مال ۇستايتىن قورا-جايدىڭ تالاپقا ساي ەكەنىن ەسكەرگەن كورىنەدى.

«شىنتۋايتىنا كەلسەك, مامان­دار نەسيە الماي تۇرىپ, قول­عا تيگەن قاراجاتتى ماقساتسىز جۇم­ساۋعا بولمايتىنىن ەسكەرتتى. مەم­لەكەت تاراپىنان جاسالىپ وتىر­­عان قامقورلىقتى تەك قانا ءىس باس­تاۋعا پايدالانۋ كەرەكتىگىن تو­لىق تۇسىندىك. بىزگە دۇرىس باعىت-باع­دار بەرگەن ازاماتتارعا العىستان باس­قا ايتارىمىز جوق. ويتكەنى سول كى­سى­لەردىڭ قولداۋى ارقاسىندا ارە­كە­تىمىزدىڭ تۇبىندە بەرەكەسىن بەرە باستاعانىن سەزدىك», دەيدى ن.بايدوسوۆا.

الاقانداي الاتاۋ اۋىلىنان ىرگەسىن الىستاتپاعان بايدوسوۆتار وتباسى ۇيقىنى دۇشپان دەپ تانى­عان. ولار تۇنگى ۇشتەن باس­تاپ تىرشىلىكتىڭ قامىنا كىرىسەدى. وتاعاسى ەركەۇلان مەن ۇلدارى مالدىڭ جەمشوبىن ۋاقتىلى بەرسە, نازيرا سيىر ساۋعا كىرىسەدى. كەيدە سيىر ساۋعا ارنالعان اپپاراتتى الما-كەزەك پايدالانىپ, زەڭبى بابا تۇقىمى ورىسكە شىققانعا دەيىن تىنىمسىز ەڭبەكتەنەدى.

«ەتكەن ەڭبەك پەن توككەن تەر ءوز ناتيجەسىن بەرىپ جاتىر. كۇندەلىكتى تابىسىمىز بارشىلىق. ساتىپ العان سيىرلارىمىز تولدەدى. العان ءتولدىڭ تەڭ جارتىسىن ساتۋدىڭ ارقاسىندا نەسيەنىڭ ءبىر بولىگىن تولەپ تاستادىق. مال شارۋاشىلىعىن بەس ساۋساعىنداي جەتىك بىلەتىن ماماندارمەن ۇدايى بايلانىسىپ تۇرامىز. سونىڭ ارقاسىندا ءتۇرلى اۋرۋدىڭ الدىن الامىز. اۋىلىمىز مال شارۋاشىلىعىمەن اينالىسۋعا قولايلى. جايىلىم جەردەگى ءشوپ قۇنارلى. ءۇي ماڭىندا وزىمىزگە تيەسىلى جەرىمىز دە بار. جىل سايىن 3-4 گەكتار القاپقا ارپا, بيداي ەگىپ, ۋاقتىلى جەمشوپ دايىنداۋدى قولعا الىپ جاتىرمىز. شىناشاقتاي كەزىمىزدەن ۇلكەندەردىڭ ءتالىمىن الىپ وستىك قوي. جاسى ەگدە كىسىلەر باقىت پەن بايلىقتىڭ كىلتى ەڭبەكتە ەكەنىن سانامىزعا ابدەن قۇيدى. ۇزاق جىل بويى ءبىلىم سالاسىندا ەڭبەك ەتىپ كەلەمىن. جۇمىسىم بار بولسا دا, وتباسىمىزدىڭ مال شارۋاشىلىعىمەن اينالىسقانىن قۇپ كورەمىن. ويتكەنى ءتورت ت ۇلىك ءوسىرۋ قانىمىزدا بار قاسيەت. «اۋىل اماناتى» اۋىل حالقىنىڭ تابىسىن ارتتىرۋعا مول مۇمكىندىك تۋدىرىپ وتىر. الداعى ۋاقىتتا تاعى ءبىر كاسىپتى يگەرىپ, تابىسىمىزدى ارتتىرساق دەگەن ويىمىز بار», دەيدى كەيىپكەرىمىز.

جوبا اياسىندا 2,5 پايىزدىق ۇستەمەمەن 8,5 ملن تەڭگە نەسيە راسىمدەگەن بايدوسوۆتار وتباسى 18 باس ساۋىندى سيىر ساتىپ العان. اۋىلداعى قارا شاڭىراقتا ءۇش ۇل تاربيەلەپ وتىرعان ولار كۇندەلىكتى 180–190 ليتر شاماسىندا ءسۇت وتكىزىپ, تابىس تاۋىپ وتىر.

جامبىل وبلىسى,

جۋالى اۋدانى,

الاتاۋ اۋىلى