فوتو: تجم
توتەنشە جاعدايلار مينيسترلىگىنىڭ مالىمەتىنە سۇيەنسەك, قازىر ءورت اۋماعىندا قاراعاندى جانە پاۆلودار وبلىستارى, استانا قالاسى تجد مەن جەرگىلىكتى اتقارۋشى ورگاندارىنان, تجم 52859 اسكەري بولىمىنەن, «باياناۋىل» مۇتپ 609 ادام جانە 110 بىرلىك تەحنيكا, «قازاۆياقۇتقارۋ» اق مەن قر قورعانىس مينيسترلىگىنەن 4 اۋە كەمەسى جۇمىس ىستەپ جاتىر.
سونداي-اق قاراعاندى وبلىسىنىڭ تەرەكتى اۋىلىندا جانە پاۆلودار وبلىسىنىڭ جەلتاۋ قىستاعىندا دالالىق ءورت ءسوندىرۋ شتابتارى ورنالاستىرىلعان. ءورتتى ءسوندىرۋ جۇمىستارى جەرۇستى جانە اۋە تەحنيكاسى ارقىلى جۇرگىزىلىپ جاتىر.
«جالپى 12 جاۋىنگەرلىك ۋچاسكە انىقتالدى. وبلىستىق تجد جانە تجم كوماندالىق ورتالىعىندا جەدەل شتابتار جۇمىس ىستەپ جاتىر. اۋە كەمەلەرى ءورت وشاقتارىنا 15 رەت جالپى كولەمى 22 توننا سۋ توكتى», دەلىنگەن تجم حابارلاماسىندا.
