«اجەلەر القاسى» ۇيىمىنىڭ مۇشەسى, قازىعۇرت اۋدانىنىڭ «قۇرمەتتى ازاماتى» قاتيرا بەكمۇراتوۆا اۋىلداستارىن ەل بولاشاعى ءۇشىن ماڭىزى جوعارى رەفەرەندۋمدا تاڭداۋ جاساۋعا شاقىردى.
جالپى تۇركىستان وبلىسىندا 1 ملن 180 مىڭنان استام داۋىس بەرۋشى بار. ورتالىق رەفەرەندۋم كوميسسياسىنان 13 رەسپۋبليكالىق قوعامدىق بىرلەستىك, وبلىستىق اۋماقتىق رەفەرەندۋم كوميسسياسىنان 32 قوعامدىق بىرلەستىك اككرەديتاتسيادان وتكەن. بارلىق 945 رەفەرەندۋم ۋچاسكەسىندە 6 433 بايقاۋشى مەن 20 ءموبيلدى كاپيتان, سونداي-اق, 167 اۋىلدىق ەلدى مەكەندە تۇرعىنداردى تەكسەرۋ ءۇشىن جىلجىمالى مەديتسينالىق پۋنكتتەر جۇمىس ىستەپ جاتىر. داۋىس بەرۋگە العاشقى كەلگەندەرگە ارنايى سىيلىقتار تابىس ەتىلىپ جاتىر. وبلىس بويىنشا قوعامدىق كولىكتەر تەگىن قاتىنايدى. كولىك دەمەكشى, بارلىق اۋدانداردا «ينۆاتاكسي», الەۋمەتتىك تاكسيلەر قاجەتتى جاعدايدا كومەك كورسەتۋگە دايىن.
مىسالى, ماقتاارال اۋدانىندا مۇگەدەكتىگى بار ازاماتتارعا جاعداي جاساۋ ءۇشىن 61 سايلاۋ ۋچاسكەلەرى ارنايى كابينالارمەن, تاكتيلدىك كورسەتكىشتەرمەن, ارنايى بۇرىشتارمەن, مونيتورلى كومپيۋتەرمەن, ۇلعايتقىشتارمەن, تۇتقالارمەن جانە پاندۋستارمەن تولىق جابدىقتالعان. سونىمەن بىرگە 11 سۋردو-تيفلو اۋدارماشى, 3 ينۆاتاكسي تاسىمالداۋ قىزمەتىمەن, 4 الەۋمەتتىك تاكسيلەرىمەن قامتاماسىز ەتىلگەن. اۋدانداعى مۇگەدەكتىگى بار, كوزى كورمەيتىن زاعيپ ازاماتتار ءۇشىن بارلىق رەفەرەندۋم ۋچاسكەسىنە باعىتتاۋشى تاكتيلدى جولاق ورناتىلعان. سونداي-اق ينتەراكتيۆتى قولجەتىمدى كارتاسىنا مۇگەدەكتىگى بار ازاماتتارعا ىڭعايلى جەرلەر كورسەتىلگەن اقپاراتتارى بار ەلەكتروندى كارتاعا رەفەرەندۋم ۋچاسكەسى تولىق ەنگىزىلگەن.
تۇركىستان وبلىسى
