قاريا رەفەرەندۋمعا كەلۋشىلەرگە, ونداعى كوميسسيا مۇشەلەرى مەن بايقاۋشىلارعا ساياسي ناۋقاننىڭ ءساتتى وتۋىنە تىلەكتەستىگىن ءبىلدىرىپ, اق باتاسىن بەردى. مايدانگەر اقساقال 1926 جىلى 10 قاراشادا وڭتۇستىك قازاقستان وبلىسىنىڭ سايرام اۋدانىنداعى قارابۇلاق اۋىلىندا دۇنيەگە كەلگەن. 1944 جىلعى 5 مامىردا سايرام اۋداندىق اسكەري كوميسسارياتىنان اسكەرگە شاقىرىلىپ, 64-ءىنشى اتقىشتار پولكىندا قىزمەت ەتتى. قاتارداعى جاۋىنگەر شەنىندە پولشانى ازات ەتۋ جولىنداعى شايقاستارعا, گەرمانياداعى ۇرىستارعا قاتىستى. ءىى دارەجەلى «وتان سوعىسى» وردەنىمەن جانە بىرنەشى مەدالدەرمەن ماراپاتتالعان. بۇگىندە 9 بالاسى, 28 نەمەرەسى, 5 شوبەرەسى بار.
«ەلدىڭ بولاشاعى ءۇشىن ءاربىر ازامات رەفەرەندۋمدا ءوز داۋىسىن بەرۋگە مىندەتتى. بۇگىنگىدەي ەل ەڭسەسىن تىكتەگەن شاقتا اۋىزبىرشىلىگىمىز مىقتى بولۋى ءتيىس», دەيدى قارت مايدانگەر.
