فوتو: ۆەدومستۆو. تەلەگرام
ۇيلەستىرۋ كەڭەسىنە سۋ رەسۋرستارى جانە يرريگاتسيا مينيسترلىگىنىڭ, بۇۇ دامۋ باعدارلاماسىنىڭ (بۇۇدب) جانە باسقا دا حالىقارالىق ۇيىمداردىڭ, قارجى ينستيتۋتتارىنىڭ, دونورلىق قاۋىمداستىقتاردىڭ جانە باسقا دا قۇرىلىمداردىڭ وكىلدەرى كىرەدى.
اتالعان مينيسترلىكتىڭ مالىمەتىنشە, ۇيلەستىرۋ كەڭەسىنىڭ نەگىزگى مىندەتتەرى:
- ۇلتتىق باسىمدىقتارعا سايكەس مەملەكەتتىك ورگانداردىڭ, بۇۇدب, حالىقارالىق قارجى ۇيىمدارى مەن دونورلىق قوعامداستىقتىڭ كەلىسىلگەن ءىس-قيمىلىن قامتاماسىز ەتۋ. كەڭەس العا قويىلعان ماقساتتارعا جەتۋ ءۇشىن قارجى جانە تەحنيكالىق رەسۋرستاردى جۇمىلدىرۋمەن جانە ءتيىمدى بولۋمەن اينالىسادى.
- نەگىزگى ستراتەگيالىق قۇجاتتاردى: سۋ كودەكسىن, سۋ رەسۋرستارىن باسقارۋ جۇيەسىن دامىتۋ تۇجىرىمداماسىن جانە سۋ سالاسىن دامىتۋدىڭ كەشەندى جوسپارىن ازىرلەۋدى جانە ىسكە اسىرۋدى قولداۋ, سونداي-اق سۋ رەسۋرستارىن تۇراقتى باسقارۋدىڭ زاڭنامالىق بازاسى مەن ينستيتۋتسيونالدىق تەتىكتەرىن نىعايتۋ.
- سۋ رەسۋرستارىن باسقارۋ سالاسىندا وزىق حالىقارالىق تاجىريبە مەن يننوۆاتسيالىق شەشىمدەردى ەنگىزۋ. كەڭەس ءبىلىم مەن تاجىريبە الماسۋدى قامتاماسىز ەتەدى, مامانداردىڭ الەۋەتىن ارتتىرادى جانە سۋ رەسۋرستارىن تۇراقتى باسقارۋ قاعيداتتارى تۋرالى ازاماتتاردى حاباردار ەتەدى.
- بىرلەسكەن كۇش-جىگەردىڭ تيىمدىلىگىن باقىلاۋ جانە باعالاۋ تەتىكتەرىن ازىرلەۋ مەن ەنگىزۋ.
- سۋدى باسقارۋ سالاسىنداعى ايماقتىق ىنتىماقتاستىقتى نىعايتۋ جانە كليماتتىڭ وزگەرۋىنە جانە قۇرعاقشىلىق پەن سۋ تاسقىنى سياقتى تابيعي اپاتتارعا توزىمدىلىكتى ارتتىرۋ.
«ۇيلەستىرۋ كەڭەسىن قۇرۋ ەلدەگى ۇزاق مەرزىمدى ەكولوگيالىق تۇراقتىلىق پەن ەكونوميكالىق دامۋدى ىلگەرىلەتۋ تۇرعىسىندا ماڭىزدى ءرول اتقارادى. ۇيلەستىرۋ كەڭەسى رەسۋرستاردى جۇمىلدىرۋعا, باسقارۋدى نىعايتۋعا, وڭىرلىك ىنتىماقتاستىقتى كەڭەيتۋگە, سۋ رەسۋرستارىن باسقارۋدا تۇراقتى تاجىريبەلەردى ىلگەرىلەتۋگە ىقپال ەتەتىن بولادى. ۇجىمدىق كۇش-جىگەر كۇن سايىن وزەكتىلىگى ارتىپ جاتقان كليماتتىق سىن-قاتەرلەردى شەشۋ جانە قازاقستان مەن جالپى ورتالىق ازيا ءۇشىن تۇراقتى بولاشاقتى قامتاماسىز ەتۋ بويىنشا ماڭىزدى ءرول اتقارادى», دەدى سالا ءمينيسترى نۇرجان نۇرجىگىتوۆ.
