داستاننىڭ دارا الەمى

بالاساعۇن ورتالىق كونتسەرت زالىندا كەنەن ازىرباەۆ اتىنداعى وب­لىستىق فيلارمونياعا قاراس­تى «الاتاۋ» فولكلورلىق ءان­سامبلى­نىڭ كوركەمدىك جەتەكشىسى داستان كورەگەننىڭ ء«ومىرىمنىڭ ءوزى – داستان» تاقىرىبىندا شى­عارماشىلىق كەشى ءوتتى. ونەر يەسىنىڭ مەرەيتويلىق كەشىنە ەلىمىزدىڭ ءار قيىرىندا جۇرگەن بەلگىلى ونەرپازدار, ارىپتەستەرى, باۋىرلارى, شاكىرتتەرى ارنايى كەلىپ, داستاننىڭ دارا الەمىنە ءۇڭىلدى. قولداۋ ءبىلدىردى, قوشەمەت كورسەتتى.

مازمۇندى شىعارمالارمەن ادىپتەلگەن كەش بارىسىندا داس­تاننىڭ ونەر الەمىندەگى ارىپ­تەسى, «شانشار» ءازىل-سىقاق تەاترى­نىڭ ديرەكتورى ۋاليبەك ءابدىرايىموۆ ءسوز الىپ, ونەر يەسىنىڭ بولمىسى, شىعار­ما­شىلىق الەۋەتى تۋرالى ءوز ويىن ورتاعا سالىپ, باۋىرىنىڭ مە­رەيىن ءوسىردى. سونداي-اق قىر­عىز رەسپۋبليكاسىنىڭ بەلگىلى قوبىزشىسى اسەل ابىلعازيەۆا دا ىزگى تىلەگىن جەتكىزدى.

داستاننىڭ شىعارماشىلىق كەشىنە قىرعىز رەسپۋبليكاسى-نان دا مارتەبەلى مەيماندار ارنايى كەلىپ, ونەرىن ورتاعا سالدى. بۇدان بولەك, استانالىق «قورقىت» ەتنو-فولكلور توبى, تۇركىس­تان وبلىسىنان كەلگەن «اقسۋ» فولكلورلىق ءانسامبلى دە ساحنا تورىندە ونەر كورسەتىپ, زالعا جينالعان ونەرسۇيەر قاۋىمنىڭ قوشەمەتىنە بولەندى.

زامانىندا الماتىداعى مەم­لەكەتتىك كونسەرۆاتوريا مىقتى­لارىنان ءدارىس العان داستان كورەگەن وندا اعا وقى­تۋشى رەتىن­دە ەڭبەك ەتىپ, تالاي دارىننىڭ قا­نا­تىن قاتايت­تى. الاتاۋ باۋ­رايىن­داعى ارۋ قالادا ءجۇرىپ, ءوزى دە شى­عار­ماشىلىق تۇرعىدان ءوستى.

بىرنەشە ونەر ۇجىمىندا ەڭبەك ەتكەن تالانت يەسى «قازىنا» فولكلورلىق ءانسامبلىنىڭ قۇرا­مىندا ءجۇرىپ, گەرمانيا, تۇر­كيا, بەلگيا, نيدەرلاند, ليۋك­سەمبۋرگ, ءباا, رەسەي, ۋكراينا, وزبەكستان, قىرعىزستان سە­كىلدى وزگە دە بىرنەشە شەت مەملەكەتتە بولعان ەكەن. «قا­زىنا» مەن «الاتاۋ» انسامبل­دەرىندە ەڭ­بەك ەتە ءجۇرىپ, بىرنەشە حا­لىقارالىق فەستيۆالداردا توپ جارعان. تالاي مىقت­ىنىڭ باتاسىن العان.

مادەنيەت قايراتكەرى ابى­لايحان وسپانوۆ, «شانشار» ءازىل-سىقاق تەاترىنىڭ ديرەكتورى ۋاليبەك ءابدىرايىموۆ, «الا­تاۋ» فولكلورلىق ءانسامبلى, مادەنيەت سالاسىنىڭ ۇز­دىك­تەرى وڭال ازاماتوۆا, ايگۇل ما­قا­­شوۆا جانە اي­جان قونار­باە­­ۆانىڭ جەتەك­شىلى­گىمەن «اق­كەربەز» بي ءانسامبلى, ءمادينا بەر­ديا­روۆا, دينارا ديحانباەۆا, جان­سايا سارسەنباەۆا, قىرعىز رەس­پۋبليكاسىنان كەلگەن بەلگىلى قوبىزشى اسەل ابىلعازيەۆا مەن التىناي كوروباەۆا سىندى ساحنا شەبەرلەرى ونەر كورسەتكەن كەش كوپشىلىكتىڭ قوشەمەتىنە بولەندى. ال نۇركەن ءاشىروۆ پەن اسەل ابىلعازيەۆا اراسىندا وتكەن كۇي تارتىس كورەرمەن دەلەبەسىن قوزدىردى.

كەش سوڭىندا مەرەيتوي يەسى داستان كورەگەنگە وبلىس­تىق كاسىپوداقتىڭ «ەڭبەك داڭقى» مەدالى, وبلىستىق مادە­نيەت جانە تىلدەردى دامىتۋ باس­قارماسىنىڭ العىس حاتى تابىس ەتىلدى. ءوز كەزەگىندە ءسوز العان داستان كورەگەن شىعارما­شى­لىعىنا قۇرمەت كورسەتىپ جات­قان ارىپتەستەرى مەن ونەرسۇيەر قاۋىمعا ريزاشىلىعىن جەت­كىزدى

تاراز