وسكەلەڭ ۇرپاققا ءورىس كەڭ

ەلباسى نۇرسۇلتان نازار­باەۆ «استانا» ۆەلوكو­مان­داسىنىڭ باس مەنەدجەرى الەك­ساندر ۆينوكۋروۆتى قابىل­دادى, دەپ حابارلادى پرە­زيدەنتتىڭ ءباسپاسوز قىزمەتى. كەزدەسۋدە ۆەلوكوماندانىڭ قازىرگى ماۋسىمداعى مىندەتتەرى, ەلدەگى ۆەلوسيپەد سپورتىنىڭ دامۋ پەرسپەكتيۆالارى تالقىلاندى. مەملەكەت باسشىسى قازاق­ستان­­دا ۆەلوسپورتتى دامىتۋ ءجا­نە كەڭى­نەن تانىتۋ ءۇشىن قاجەت­تى بارلىق جاعداي جاسالىپ جاتقا­نىن ايتتى. – استانادا مۇمكىندىكتەرى جاعى­نان ەڭ ۇزدىكتەردىڭ ءبىرى سانا­لاتىن «سارىارقا» رەسپۋب­لي­كالىق ۆەلو­ترەگى سالىندى. جوعارى ناتيجەلەر كورسەتىپ ءجۇر­گەن كاسىبي ۆەلوكوماندا قۇرىلدى, – دەدى قازاقستان پرەزيدەنتى. نۇرسۇلتان نازارباەۆ وسكەلەڭ ۇر­پاقتى ۆەلوسيپەد سپورتىنا باۋ­لۋ­دىڭ ماڭىزدىلىعىن دا اتاپ ءوتتى. ا.ۆينوكۋروۆ كوماندانىڭ تابىستارى تۋرالى, سونىمەن قاتار, ۆەلوسيپەدشىلەردىڭ حالىقارالىق وداعىنىڭ باستاماسىمەن وتەتىن «تۋر الماتى» جارىسىنا دەگەن قىزىعۋشىلىقتىڭ ءوسىپ كەلە جاتقاندىعى تۋرالى اڭگىمەلەدى. – ۆەلوكوماندامىز بيىل ونىن­شى ماۋسىمىن وتكىزەدى. ءبىز ءوزىمىز قاتىسىپ جۇرگەن بارلىق جارىس­تار­دا جەڭۋگە تىرىسامىز. ەۋرو­پادا ەلەۋلى جارىستاردىڭ بارلى­عىن­دا جەڭىپ, جاقسى بەدەلگە يە بول­دىق, – دەدى ۆەلوكوماندانىڭ باس مەنەدجەرى. كەزدەسۋ بارىسىندا ا.ۆي­نو­كۋروۆ مەملەكەت باسشىسىنا بىلتىر «تۋر دە فرانس» كوپكۇندىك ۆەلوبايگەسىندە جەڭىسكە جەتكەن «استانا» ۆەلوكومانداسىنىڭ مايكاسىن تارتۋ ەتتى.