اكادەميالىق جازۋ, جوعارى ءبىلىم بەرۋ ترانسفورماتسياسى جانە پەداگوگيكالىق يننوۆاتسيالار بويىنشا كۋرستاردان ءوتىپ جاتقان فيلولوگيا فاكۋلتەتى ورىس ءتىلى مەن ادەبيەتى كافەدراسىنىڭ اعا وقىتۋشىسى, PhD ف.ەرجانوۆا, قاۋىمداستىرىلعان پروفەسسور, PhD س.سەرىكوۆا, اعا وقىتۋشى, PhD گ.جاندىكەەۆا, ماگيستر ا.وماروۆانىڭ ايتۋىنشا, تاعىلىمداما وقىتۋ داعدىسىنداعى وزگەشەلىكتەردى عانا ەمەس, تسيفرلاندىرۋ تۋرالى كەڭىنەن ماعلۇمات الۋعا, ءبىلىم ساپاسىن جاقسارتۋعا ىقپال ەتەدى.
«مەملەكەت باسشىسىنىڭ تاپسىرماسىمەن ءبىلىم سالاسىن ەڭ ۇزدىك حالىقارالىق ستاندارتتارعا ساي دامىتۋ ماقساتىندا زاماناۋي تەحنولوگيالاردى يگەرۋ, ءبىلىم سالاسىنداعى حالىقارالىق وزىق تاجىريبەلەردى مەڭگەرۋ مىندەتى تۇر. تاعىلىمداما كاسىبي قۇزىرەتتىلىكتى نىعايتۋمەن قاتار عىلىمي بايلانىستى دامىتۋعا بەرىلگەن زور مۇمكىندىك», دەيدى وقىتۋشىلار.
ۋنيۆەرسيتەت وقىتۋشىلارى ءتورت اي بويى اعىلشىن ءتىلى كۋرستارىنا, «English Speaking Club»-قا قاتىستى. ءبىلىمىن جەتىلدىرۋمەن بىرگە امەريكا ەلىنىڭ مادەنيەتىمەن, تاريحىمەن تانىستى. ولار يللينويس شتاتىنداعى تاريحي ورىندار, سونىڭ ىشىندە اقش-تىڭ 16-پرەزيدەنتى اۆراام لينكولننىڭ تۋعان قالاسى سپرينگفيلدكە كەلگەندەگى اسەرىمەن ءبولىستى. مۇنىمەن قوسا قازاقستاننىڭ اقش-تاعى ەلشىسى ەرجان اشىقباەۆپەن, «بولاشاق» باعدارلاماسىنىڭ وكىلى رۋسلان ساكەەۆپەن كەزدەسىپ, ىنتىماقتاستىق پەن تاجىريبە الماسۋ بارىسىن تالقىلادى.
شەتەلدىك ۋنيۆەرسيتەت پەن عىلىمي ورتالىقتارمەن ىنتىماقتاستىق ورناتۋ ەلىمىزدەگى جوعارى وقۋ ورىندارىنىڭ عىلىمي الەۋەتىن ارتتىرىپ, وسى سالاداعى ءوز تاجىريبەمىزدى دە كەڭىنەن ناسيحاتتاۋعا مۇمكىندىك بەرەدى.
الماتى
