اشىق دەرەككوز
ول قحر شىڭجاڭ ولكەسى تارباعاتاي ايماعىنىڭ شاۋەشەك اۋدانىندا تۋعان. 1962 جىلى تاريحي وتانىنا ورالعان. قازاق مەملەكەتتىك ۋنيۆەرسيتەتىن ء(ال-فارابي اتىنداعى قازاق ۇلتتىق ۋنيۆەرسيتەتى) بىتىرگەن.
1974-1984 جىلدارى «بالدىرعان» جۋرنالى پوەزيا ءبولىمىنىڭ مەڭگەرۋشىسى, «جالىن» باسپاسىنىڭ رەداكتورى. 1984-1994 جىلدارى قازاقستان جازۋشىلار وداعىنىڭ ادەبي كەڭەسشىسى. 1995-1996 جىلدارى «اقىن» قاۋىمداستىعىنىڭ ديرەكتورى. 1997-2001 جىلدارى «قازاق ادەبيەتى» گازەتىندە سىن ءبولىمىنىڭ, «جۇلدىز» جۋرنالىندا پوەزيا ءبولىمىنىڭ مەڭگەرۋشىسى. 2001 جىلدان ل. گۋميلەۆ اتىنداعى ەۋرازيا ۇلتتىق ۋنيۆەرسيتەتىندە اعا عىلىمي قىزمەتكەر بولىپ جۇمىس ىستەگەن. 2008 جىلدان «التىن تامىر» جۋرنالىنىڭ باس رەداكتورى قىزمەتىن اتقاردى. ءومىرىنىڭ سوڭعى جىلدارىندا استاناداعى ساكەن سەيفۋللين اتىنداعى ادەبي-مەموريالدىق مۇراجايدىڭ ديرەكتورى بولدى.
«بالالىق» دەگەن العاشقى ولەڭى 1965 جىلى شۇبارتاۋ اۋداندىق «جاڭا ءومىر» گازەتىندە, العاشقى توپتاماسى 1972 جىلى مۇقاعالي ماقاتاەۆتىڭ ءسات ساپار تىلەۋىمەن «لەنينشىل جاس» گازەتىندە, العاشقى كىتابى 1974 جىلى «قوزىكوش» دەگەن اتپەن جارىق كورگەن. «جۇرەكتەگى جاڭعىرىقتار», «اكە تۋرالى سىر», «جاڭبىر ءانى», «تۇندەلەپ ۇشقان تىرنالار», «مۇقاعالي-جەلتوقسان», «بايتەرەك», «بالاباقشاعا بارار جولدا», «جەلكىلدەپ وسكەن قۇراقتاي», «كۇمىس كۇيمە», «قارتايمايدى كۇن نەگە؟» اتتى كىتاپتارى, «ەسكەندىر قورعانى» ء(ا. ناۋاي), «يگور جورىعى تۋرالى جىر», ت.ب. اۋدارما كىتاپتارى شىققان. تۇرىكتىڭ VII عاسىردا ءومىر سۇرگەن ۇلى اقىنى ءجۇنىس ەمىرە, قىتايدىڭ كونە ءداۋىر اقىنى بو تسىزيۋدىڭ, يتاليان اقىنى دج. روداريدىڭ, سونداي-اق م. يساكوۆسكي, ا. بارتو, س. ميحالكوۆ, س. بارۋزدين, ۆ. بەرەستوۆ, ت. سىدىقوۆ, س. جۋسۋەۆ ولەڭدەرىن قازاق تىلىنە اۋدارعان.
