سۋرەت: abai.kz
جيىندا تەرروريزم مەن ەكسترەميزمگە, قارۋ مەن ەسىرتكىنىڭ زاڭسىز اينالىمىنا, ترانسۇلتتىق ۇيىمداسقان قىلمىسقا قارسى ءىس-قيمىل ءۇشىن ىنتىماقتاستىقتى دامىتۋ ماسەلەلەرى تالقىلاندى. سونداي-اق حالىقارالىق اقپاراتتىق قاۋىپسىزدىكتى قامتاماسىز ەتۋ, كولىك-لوگيستيكا ينفراقۇرىلىمىن دامىتۋ اسپەكتىلەرى قاراستىرىلدى.
عيزات نۇرداۋلەتوۆ لاڭكەستىك قاۋىپ-قاتەرلەر تۋرالى تۇراقتى جانە ءتيىمدى اقپارات الماسۋ, حالىقارالىق تەرروريستىك ۇيىم قاتارىنداعى سودىرلار مەن رەكرۋتتار قوزعالاتىن, سونداي-اق لاڭكەستىك ارەكەتتى قارجىلاندىراتىن ءتۇرلى ارنالاردىڭ جولىن كەسۋ بويىنشا ءوزارا كەلىسىلگەن ءىس-قيمىل جۇرگىزۋدىڭ ماڭىزدى ەكەنىن اتاپ ءوتتى. ونىڭ ايتۋىنشا, قازىرگى كەزدە شەتەلدىك ينتەرنەت-رەسۋرستاردى پايدالانا وتىرىپ جاسالاتىن ترانسۇلتتىق قىلمىستارعا قارسى كۇرەسۋدىڭ, سونداي-اق كيبەرقاۋىپسىزدىك دەڭگەيىن ارتتىرۋدىڭ ماڭىزى ارتا ءتۇستى.
بۇعان قوسا جيىندا كولىك قاۋىپسىزدىگىن, سونىڭ ىشىندە وڭىردەگى ەلدەردى ءوزارا جالعايتىن كولىك-لوگيستيكا باعىتتارىنىڭ ورنىقتى جۇمىس ىستەۋىن قامتاماسىز ەتۋ ماسەلەسى وتە وزەكتى ەكەنىنە نازار اۋدارىلدى.
تۇركىستان
