2024 جىلى 5 قىركۇيەكتە Eurasian Resources Group-ءتىڭ ەنشىلەس كومپانياسى Eurasian Natural Resources Corporation Limited (ENRC), ۇلىبريتانيانىڭ ەكونوميكالىق قىلمىسقا قارسى كۇرەس قىزمەتى (Serious Fraud Office – SFO) مەن Dechert زاڭگەرلىك فيرماسى جانە ونىڭ بۇرىنعى سەرىكتەسى نيل دجەرراردقا قارسى ۇزاققا سوزىلعان سوت پروتسەسىندە تاعى ءبىر مارتە جەڭىسكە جەتتى. وسى اپتادا انگليا مەن ۋەلستىڭ اپەللياتسيالىق سوتى جوعارى سوتتىڭ SFO جانە جەتەكشى حالىقارالىق Dechert زاڭگەرلىك فيرماسىنىڭ لاۋازىمدى قىزمەتكەرلەرىنىڭ زاڭعا قايشى ارەكەتى مەن SFO-نىڭ ENRC-گە قاتىستى زاڭسىز قىلمىستىق تەرگەۋ باستاۋىنا قاتىستى شىعارعان شەشىمىن زاڭدى دەپ تاپتى.
جوعارى سوتتىڭ 2022 جىلعى مامىرداعى شەشىمى (1 كەزەڭ).
2022 جىلدىڭ مامىر ايىندا جوعارى سوتتىڭ سۋدياسى ۆاكسمان بىرىككەن كورولدىكتىڭ سوت تاجىريبەسىندە بۇرىن-سوڭدى بولماعان شەشىم شىعاردى. ول Dechert زاڭگەرلىك فيرماسىنىڭ سەرىكتەسى نيل دجەررارد پەن SFO-نىڭ جوعارى لاۋازىمدى تۇلعالارىنىڭ ارەكەتىن «ورەسكەل» ءارى «اقىلعا سىيمايتىن» زاڭبۇزۋشىلىقتار دەپ اتادى.
سوت ۇكىمىندە SFO-نىڭ بۇرىنعى لاۋازىمدى تۇلعالالارى, سونىڭ ىشىندە بۇرىنعى ديرەكتورى ريچارد ولدەرمەن دە ENRC-گە قاتىستى «ارام نيەتپەن» ارەكەت ەتتى دەلىنگەن. Dechert زاڭگەرلىك فيرماسىنىڭ سەرىكتەسى نيل دجەررارد سانالى تۇردە ءارى بىرنەشە مارتە قاتارىنان زاڭ تالاپتارىن بۇزىپ, ءوزىنىڭ كليەنتى – ENRC-گە قارسى «ورەسكەل» ارەكەتتەر جاساپ, ءوز مىندەتتەرىن اياقاستى ەتىپ, ونىڭ مۇددەسىنە قارسى ارەكەت ەتكەن. ودان بولەك, ول ادۆوكات قۇپياسىمەن قورعالعان كونفيدەنتسيالدى اقپاراتتىڭ جاريالانىپ كەتۋىن ۇيىمداستىرىپ وتىرعان. ENRC-گە جۇيەلى تۇردە قاتە زاڭگەرلىك كەڭەستەر بەرە وتىرىپ, Dechert كومپانياسى ۇسىنعان كورسەتىلەتىن قىزمەت كولەمىن ۇلعايتا بەرۋگە تىرىسقان. سۋديا ۆاكسمان Dechert فيرماسىنىڭ SFO-مەن ارەكەتتەستىگىنە قاتىستى ۇستانىمىن قاتاڭ سىنعا الدى. سوتتىڭ انىقتاۋىنشا قاسقانا جالعان مالىمدەمەلەر مەن ۇسىنىستار حالىقارالىق زاڭگەرلىك فيرمانىڭ بىلىكسىزدىگىنەن ەمەس, جەكە مۇددەنى قورعاپ, سونىڭ ىشىندە تولەماقىنى ۇلعايتۋ ءۇشىن سانالى تۇردە جاسالعان. وعان قوسا, دجەررارد مىرزا SFO-نىڭ قوس كۋاگەرى, سونىڭ ىشىندە بۇرىنعى SFO ديرەكتورىنىڭ مىندەتىن اتقارۋشى مارك تومپسونمەن بىرلەسىپ, انت بەرە وتىرىپ, جاسالعان زاڭبۇزۋشىلىقتى جاسىرۋ ءۇشىن جالعان كۋالىك بەرگەن.
سۋديا ENRC ىسىندەگى شەشۋشى ارگۋمەنت SFO سانسىز جاسىرىن ءارى «قۇپيا» كەزدەسۋلەردە دجەرراردتى سانالى تۇردە يتەرمەلەپ, زاڭعا قايشى ارەتتەرىن ىنتالاندىرىپ وتىرعانىن قابىل الدى. سۋديا بريتان ۆەدومستۆوسىنىڭ قىزمەتكەرلەرى دجەرراد مىرزانىڭ ENRC الدىنداعى مىندەتتەمەلەرىن بۇزۋىن «ىنتالاندىرا وتىرا», SFO قىزمەتكەرلەرى «ارام نيەتتى پورتۋنيزم»-ءدى باسشىلىققا العان, دەپ تۇيىندەدى. SFO وسىنداي ارەكەتتەستىك بارىن, دجەرراد مىرزا مەن ءوز قىزمەتكەرلەرىنىڭ زاڭسىز بايلانىستارى بارىن ENRC-دەن جاسىرعان.
جوعارى سوتتىڭ 2023 جىلدىڭ جەلتوقسان ايىنداعى شەشىمى جانە ENRC-گە قاتىستى قىلمىستىق تەرگەۋدىڭ توقتاتىلۋى.
جوعارى سوتتىڭ ەكىنشى شەشىمى 2023 جىلدىڭ جەلتوقسان ايىندا شىقتى. وندا ENRC-ءدىڭ (1 كەزەڭ 1ا) شاعىمىن ودان ارى قاراستىرۋ بارىسىندا ەگەر SFO مەن Dechert تاراپىنان زاڭ ورەسكەل بۇزىلماعان جاعدايدا, كومپانياعا قاتىستى تەرگەۋ باستالماۋى ءتيىس ەكەنى انىقتالعان. وسىلايشا, جوعارى سوت ENRC ىسىنە قاتىستى قىلمىستىق تەرگەۋدى باستاۋدىڭ ءوزىن زاڭسىز دەپ تانىدى.
2023 جىلى تامىزدىڭ 24-ءى كۇنى SFO ENRC ىسىنە قاتىستى باستالىپ, ون جىلدان استام ۋاقىت بويىنشا تەرگەلىپ كەلە جاتقان ءىستى ەشبىر ايىپ تاقپاستان توقتاتاتىنىن حابارلاعان بولاتىن.
SFO, Dechert پەن نيل دجەرراردتىڭ اپەللياتسيالىق شاعىمدارى قاناعاتتاندىرىلمادى.
2024 جىلدىڭ ءساۋىر ايىندا SFO, Dechert پەن نيل دجەررارد جوعارىدا ايتىلعان سوت شەشىمىنە شاعىمداندى. الايدا, اپەللياتسيالىق سوت شاعىمدى قاناعاتتاندىرۋدان باس تارتتى.
لورد-سۋديا مەيلس جاۋاپكەرلەر اپەللياتسياعا ۇسىنعان نەگىزدەمە سوت بارىسىندا جوعارى سوت سۋدياسى انىقتاعان فاكتىلەردى قايتا اقتاۋ كريتەريلەرىنە ساي كەلمەيتىنىن كورسەتىپ, قاۋلى شىعاردى.
وسىلايشا اپەللياتسيالىق سوت سۋديا ۆاكسمان شىعارعان شەشىمدى وزگەرىسسىز قالدىردى. بۇل ENRC تالاپتارى زاڭدى ەكەنىن تاعى ءبىر مارتە راستاپ, سول سەبەپتەن SFO مەن Dechert-تەن ENRC شىعىندارىن ءوندىرىپ الۋ كەرەك ەكەنىن قولدادى. اپەللياتسيالىق سوت زاڭدى كۇشىنە ەندى ءارى تۇپكى شەشىم سانالادى. ياعني اتالعان ءىستى قايتا قاراۋعا بولمايدى.
پروتسەسس جالعاسىپ جاتىر (2 كەزەڭ).
جوعارى سوتتاعى كەلەسى كەزەڭدە 2013 جىلى باستالعان قىلمىستىق تەرگەۋگە بايلانىستى كومپانيانىڭ جۇمساۋىنا تۋرا كەلگەن قوسىمشا شىعىنداردى وتەپ الۋ ماسەلەلەرى قارالادى. اتاپ ايتقاندا, SFO مەن Dechert-ءتىڭ زاڭسىز ارەكەتى سالدارىنان كومپانيانىڭ سوتقا جۇمساۋىنا تۋرا كەلگەن شىعىنداردى, نەسيە الۋ ءۇشىن جۇمسالعان ارتىق شىعىندار مەن وزگە دە ەكونوميكالىق شىعىنداردى ءوندىرىپ بەرۋدى تالاپ ەتىپ وتىر.
كومپانيا سوتتا ادىلدىككە جەتىپ, ءۇشىنشى تاراپتاردىڭ زاڭعا قايشى ارەتتەرىنەن ءوزىنىڭ قۇقىن قورعاۋدى جالعاستىرا بەرەدى.
