فوتو: جوعارعى سوت. تەلەگرام.
جوعارعى سوت داۋلاردى شەشۋ ۇدەرىسىن جەدەلدەتەتىن, تاراپتارعا ۇزاق سوت تالقىلاۋىنسىز ءوزارا ءتيىمدى شەشىمدەرگە قول جەتكىزۋ مۇمكىندىگىن بەرەتىن داۋلاردى شەشۋدىڭ سوتتان تىس ادىستەرىن كەڭەيتۋگە مۇددەلى ەكەنىن اتاپ ءوتتى.
كەزدەسۋ بارىسىندا بيىلعى 19 ماۋسىمدا زاڭعا ەنگىزىلگەن كەيبىر زاڭنامالىق اكتىلەردە نەسيە بەرۋدەگى تاۋەكەلدەردى ازايتۋ, قارىز الۋشىلاردىڭ قۇقىقتارىن قورعاۋ, قارجى نارىعىن رەتتەۋدى جانە اتقارۋشىلىق ءىس جۇرگىزۋدى جەتىلدىرۋ ماسەلەلەرى بويىنشا وزگەرىستەر تالقىلاندى.
زاڭ ازاماتتاردىڭ مۇددەلەرىن قورعاۋ تەتىكتەرىن نىعايتادى جانە تۇرعىنداردىڭ قارىز الۋ قاۋپىنىڭ الدىن الۋعا باعىتتالعان.
ازاماتتارعا بەرىلگەن بارلىق نەسيەلەر بويىنشا داۋلاردى سوتقا دەيىن قاراۋ بويىنشا بانك ومبۋدسمەنىنىڭ وكىلەتتىگى كەڭەيتىلۋدە, ميكروقارجى ومبۋدسمەنى لاۋازىمى ەنگىزىلىپ جاتىر.
كەزدەسۋ بارىسىندا قاتىسۋشىلار بيىل 21 جەلتوقساندا كۇشىنە ەنەتىن زاڭنامالىق وزگەرىستەردى ءىس جۇزىندە جۇزەگە اسىرۋ ماسەلەلەرى بويىنشا پىكىر الماستى.
قورىتىندىلاي كەلە, نۇرسەرىك ءشارىپوۆ ودان ءارى ىنتىماقتاستىققا نەگىز بولاتىن سىندارلى پىكىرتالاس ءۇشىن العىسىن ءبىلدىردى.
