سۋرەت: gov.kz
راسىندا وڭىردە ينۆەستيتسيالىق جوبالاردى سەرۆيستىك تۇرعىدان سۇيەمەلدەۋ ماسەلەسى نازاردان تىس قالعان جوق. وبلىس اكىمدىگىنىڭ ءباسپاسوز قىزمەتى كەلتىرگەن دەرەككە جۇگىنسەك, «تاراز» اكك بازاسىندا قۇرىلعان «Zhambyl Invest» ديرەكتسياسى شەتەلدىك جانە وتاندىق ينۆەستورلاردىڭ ەركىن جۇمىس ىستەۋىنە قولدان كەلگەنشە قولداۋ كورسەتىپ وتىر.
وبلىس اكىمىنىڭ ورىنباسارى ءابىلحايىر تامابەكتىڭ ايتۋىنشا, وڭىردە سۋ تاپشىلىعىن ازايتۋ باعىتىندا اۋىز تولتىرىپ ايتارلىقتاي جۇمىستار اتقارىلىپ جاتىر. ول كەلتىرگەن دەرەككە جۇگىنسەك, ۇزىندىعى 1047 شاقىرىمدى قۇرايتىن 203 كانالدىڭ ابدەن توزىعى جەتكەن.
«قازىرگى تاڭدا ۇزىندىعى 545 شاقىرىمدى قۇرايتىن 92 كانالدى رەتكە كەلتىرۋ ءۇشىن جوبالىق-سمەتالىق قۇجات دايىنداپ, 430 شاقىرىمدىق 76 كانالدى جوندەۋ ءۇشىن 87 ملرد تەڭگەگە قولداۋ كورسەتىلدى», دەيدى ءا.تامابەك.
وسى ورايدا ءوز ءسوزىن جالعاعان وبلىس اكىمىنىڭ ورىنباسارى: «بۇل باعىتتاعى جۇمىس الداعى جىلى باستالادى. جالپى, 545 شاقىرىم كانالدى تولىق جوندەۋ قاجەت. ول جۇمىستى الداعى 2-3 جىلدىڭ بەدەرىندە اياقتاۋدى جوسپارلاپ وتىرمىز. سۋ تاپشىلىعى تۋرالى ءسوز قوزعاعاندا, سۋ ۇنەمدەۋ تەحنولوگيالارىنىڭ ماڭىزىنا توقتالعان ءجون. وسى جۇمىستى جۇيەلەۋ ماقساتىندا وتاندىق جانە شەتەلدىك التى ينۆەستوردى جۇمىسقا جۇمىلدىرىپ وتىرمىز. جىل سوڭىنا دەيىن ەكى جوبا ىسكە قوسىلادى. قالعان جوبالار بويىنشا جۇمىس كەلەسى جىلى اياقتالادى», دەپ وتىر.
وڭىردە تامشىلاتىپ سۋارۋ تەحنولوگياسىن جەتىلدىرۋگە باسىمدىق بەرىلىپ وتىرعانى بەلگىلى. وبلىس باسشىسىنىڭ تىكەلەي مۇرىندىق بولۋىمەن وڭىردە «KAZ كاسپي گيدرو اۋىل شارۋاشىلىعى تەحنولوگياسى» كومپانياسى تامشىلاتىپ سۋارۋ جۇيەلەرىن شىعارۋ زاۋىتىن سالىپ جاتىر.
رەسمي مالىمەتكە سۇيەنسەك, جاۋاپتى كومپانيا باسشىلارى جوباعا 6 ملن دوللار قارجى سالىپ وتىر. ال جاڭا زاۋىت تولىق قۋاتىندا ىسكە كىرىسكەن كەزدە 30 ادام تۇراقتى جۇمىسپەن قامتىلادى. ناتيجەسىندە, الداعى جىلدارى سۋ ۇنەمدەۋ تەحنولوگياسىن قولداناتىن الاڭ جىل سايىن 12 مىڭ گەكتارعا ارتپاق.
دەرەككە جۇگىنسەك, قازىرگى كەزدە زاۋىتتى ىسكە قوسۋ جۇمىستارى تولىققاندى اياقتالعان. جاقىن كۇندەرى جاڭا كاسىپورىن پايدالانۋعا بەرىلەدى. ال ازىرگە زاۋىتقا قاجەتتى ينفراقۇرىلىم قۇرۋ مەن ۇڭعىمالاردى قازۋ ماقساتىندا قاجەتتى قۇرال-جابدىقتار تولىقتاي جەتكىزىلدى. تەحنيكالىق جۇمىستار جوسپارعا ساي ىسكە اسىرىلىپ جاتىر.
جوعارىدا ايتقانىمىزداي, سۋ ۇنەمدەۋ تەحنولوگيالارىن قولدانعانداردىڭ ۇتىلمايتىنى انىق. وسى باعىتتا جۇمىس ىستەيتىن العاشقى جوبا جاقىن ارادا ىسكە قوسىلسا, قالعان جوبالار 2025 جىلى اياقتالاتىنى ءمالىم. ءبىر سوزبەن ايتقاندا, جامبىل وبلىسى تامشىلاتىپ سۋارۋ تەحنولوگياسىن پايدالاناتىن القاپ ۇلەسىن جىل سايىن ارتتىرۋعا بەلسەندى تۇردە كىرىسكەلى وتىر.
جامبىل وبلىسى
