فوتو: ۇوك
دزيۋدوشىنىڭ جىل سوڭىنا دەيىنگى جارىس كەستەسىن باس باپكەر ەرلان الپىسباەۆ ۇلتتىق وليمپيادالىق كوميتەتكە بەرگەن سۇحباتىندا تارقاتىپ ايتتى.
الپىسباەۆ تورتجىلدىقتىڭ باستى دوداسى اياقتالسا دا, وسى جىلى وتەتىن ءىرى سپورتتىق باسەكەلەر بار ەكەنىن اتاپ ءوتتى. قازىر دزيۋدودان قىزدار قۇراماسى تۇركىستان وبلىسىندا وقۋ-جاتتىعۋ جيىنىن وتكىزىپ جاتىر.
ال قۇرامانىڭ باستى جۇلدىزدارىنىڭ ءبىرى ءابيبا ابۋجاقىنوۆا قازىر دەمالىستا. ول جاتتىعۋعا اقتاۋدا وتەتىن كەلەسى جيىندا قوسىلادى.
ء«ابيبانىڭ قازاقستان چەمپيوناتىنا قاتىساتىنى ءالى بەلگىسىز. قازان ايىندا وتەتىن ابۋ-دابيدەگى Grand Slam تۋرنيرىنە قاتىسادى. وليمپيادادان كەيىن ءابيبانى «جەڭىس» كلۋبى دەمالىسقا جىبەردى. پاريج ويىندارىنا فرانتسۋز ماماندارىمەن جانە جەكە باپكەرىمەن دە دايىندالدى. ازداعان دەمالىستان سوڭ ابۋجاقىنوۆا تاتاميگە قايتا ورالادى. بيىلعى ماۋسىمدا ءالى قاتىساتىن دودالار بار», دەدى ەرلان الپىسباەۆ.
