فوتو: bangkokbook.ru
2024-2025 اكادەميالىق وقۋ جىلىنا ارنالعان ۇكىمەتارالىق گرانتتار شەڭبەرىندە قىتايدىڭ جەتەكشى جوعارى وقۋ ورىندارىندا وقۋعا ارنالعان ءبىلىم الۋشىلاردىڭ سوڭعى ءتىزىمى جاريالاندى.
151 ۇمىتكەرگە ستيپەنديا تاعايىنداۋ تۋرالى شەشىمدى قىتاي حالىق رەسپۋبليكاسى قابىلدادى.
گرانت اكادەميالىق وقۋ, جاتاقحانادا تۇرۋ, مەديتسينالىق ساقتاندىرۋ شىعىندارىن وتەيدى, سونىمەن قاتار ستۋدەنتتەرگە اي سايىن ستيپەنديا تولەنەدى. وقۋ اعىلشىن نەمەسە قىتاي تىلىندە وتەدى.
ۇسىنىلعان ۇمىتكەرلەر تىزىمىمەن «حالىقارالىق باعدارلامالار ورتالىعى» اق bolashak.gov.kz سايتىندا تانىسۋعا بولادى.
«ەگەر ءسىز وقۋعا ارنالعان ستيپەندياتتار تىزىمىندە بولساڭىز, وندا 60 كۇنتىزبەلىك كۇن ىشىندە وقۋعا شارت جاساسۋ ءۇشىن «حالىقارالىق باعدارلامالار ورتالىعى» اق-عا جۇگىنۋىڭىز قاجەت. شارت جاساسۋ بويىنشا ەگجەي-تەگجەيلى كەڭەس الۋ ءۇشىن نورماتيۆتىك قۇقىقتىق جانە شارتتىق قامتاماسىز ەتۋ باسقارماسىنا 8-7172-76 90 79 (ىشكى.170,181) حابارلاسا الاسىز», دەلىنگەن مينيسترلىك حابارلاماسىندا.
