«ەلىمىزدە ءبىلىم بەرۋدى دامىتۋ – ءبىزدىڭ قور قىزمەتىنىڭ باستى باعىتتارىنىڭ ءبىرى. ءبىز حالىقتىڭ الەۋمەتتىك وسال توپتارىنان شىققان دارىندى بالالارعا گرانتتار بەرەمىز, مەكتەپتەردى ماتەريالدىق-تەحنيكالىق جابدىقتارمەن قامتاماسىز ەتەمىز, مۇعالىمدەرگە قولداۋ كورسەتەمىز جانە وقۋشىلارعا كاسىپكەرلىكءتىڭ نەگىزدەرىن ۇيرەتەمىز. 2016 جىلدان باستاپ ءبىزدىڭ قور ءبىلىم بەرۋ سالاسىن دامىتۋعا شامامەن 10 ميلليارد تەڭگە ءبولدى, ونىڭ 60 ميلليونى ورالداعى بالالار تەحنيكالىق شىعارماشىلىق ورتالىعىن جاڭارتۋعا باعىتتالدى. ءبىز ەلىمىزدىڭ بالالارىنىڭ زاماناۋي تەحنولوگيالارعا تەڭ دارەجەدە قول جەتكىزۋىنە جانە بولاشاقتا لايىقتى باسەكەگە ءتۇسە الۋىنا كۇش سالاتىن بولامىز», دەپ اتاپ ءوتتى «حالىق» قورىنىڭ ديرەكتورى ساعىنبەك شۇڭكەەۆ.
2006 جىلدان باستاپ ورتالىق وقۋشىلار سارايىنىڭ بولمە-جايلارىن جالعا الىپ كەلەدى. كورسەتىلگەن دەمەۋشىلىك كومەكتىڭ ارقاسىندا ورتالىقتىڭ ماتەريالدىق-تەحنيكالىق بازاسى جاڭارتىلىپ, مۇنىڭ ءوزى زامان تالابىنا ساي جابدىقتاردى ساتىپ الۋعا مۇمكىندىك بەردى.
«بولىنگەن قارجىنىڭ 14,5 ميلليونى عيمارات پەن شاتىردى جوندەۋگە جۇمسالدى, ال قالعان قاراجات 36 Spike Prime روبوتتەحنيكا جيىنتىعى, 30 مونوبلوك جانە جوعارى جىلدامدىقتى FPV دروندارى سياقتى زاماناۋي جابدىقتاردى ساتىپ الۋعا جۇمسالدى. جابدىقتاردىڭ جاڭارتىلۋى وقۋشىلاردىڭ وقۋ ساپاسىنىڭ ارتۋىنا جانە ولاردىڭ ءبىلىم جارىستارىنا دايىندىعىن جاقسارتۋعا مۇمكىندىك بەرەءدى. وتكەن جىلى ورتالىقتىڭ تاربيەلەنۋشىسى دانيل كازىموۆ قازان قالاسىندا وتكەن دۇنيەجۇزىلىك ويىنداردا جەتىنشى ورىنعا يە بولىپ, وڭىردەگى تەحنيكالىق شىعارماشىلىقتى دامىتۋدىڭ جوعارى دەڭگەيى مەن بولاشاقتاعى مۇمكىندىكتەرىن پاش ەتتى», دەپ پىكىر ءبولىستى وبلىستىق بالالار تەحنيكالىق شىعارماشىلىق ورتالىعىنىڭ ديرەكتورى باقىتجان ماۋلەنوۆ.
ءتىپتى اۋدان ورتالىعىنان الىس جەردە تۇراتىن بالالارعا دا ءتيىستى جاعداي جاسالعان. 69 جاستاعى ەڭبەك ارداگەرى قامبار سارمالاەۆتىڭ ايتۋىنشا, ول قالاداعى وسى اۋداننىڭ ورتالىعىنان ءبىر جارىم ساعاتتىق جول جۇرەتىن جەردە تۇرادى. ال ول جاقتا تۇراتىن بالالار مۇندا جولدىڭ الىستىعىنان كەلە المايدى. ويتكەنى ولار ءبىر جارىم ساعات جول ءجۇرىپ كەلەدى, سودان سوڭ ءبىر ساعات جيىرما مينۋت ساباققا قاتىسادى دا, كەرى قاراي تاعى دا ءبىر جارىم ساعات جول جۇرەدى. ولاردىڭ مۇندا كەلگەنى ءتيىمسىز. سوندىقتان قاي مۇعالىم قالانىڭ قاي اۋدانىندا تۇرسا, سول اۋدانداعى مەكتەپتىڭ ديرەكتورى مەن وسى اۋدانداعى مەكتەپتىڭ ديرەكتورى كەلىسىمشارتقا وتىرادى. وسى قۇجاتقا سايكەس, ول مەكتەپتىڭ ديرەكتورى مۇعالىمدەرگە ءبىر بولمە بەلگىلەپ بەرەدى, باسقا دا قاجەتتى جاعدايلاردى جاسايدى. وسىنىڭ ءوزى بالالاردىڭ ۇلگەرىمىن بارىنشا ارتتىرۋعا جاردەمدەسەدى.
«ءبىر كەزدەرى ءبىز جۇمىستى باستاعاندا مۇنداي زاماناۋي تەحنيكالىق مۇمكىندىكتەر جوق بولاتىن. بىزدەر ءبارىن قولدان جاسادىق, اننان-مۇننان الىپ قۇراستىردىق. ال قازىرگى بالاردىڭ مۇمكىندىگىنە قاراپ وتىرىپ, قىزىعاسىڭ. وسى مۇمكىندىكتەردىڭ ارقاسىندا قازىر بالالاردىڭ جەتىستىكتەرى دە جوعارى. بۇل – وتە قۋانىشتى جاعداي», دەپ ءوز ويىمەن ءبولىستى ول.
ورتالىقتى جاڭعىرتۋ
بولىنگەن قاراجاتقا «NNEF» قوعامدىق قورى بالالار تەحنيكالىق شىعارماشىلىق ورتالىعىندا اۋقىمدى جوندەۋ جۇمىستارىن جۇرگىزءدى. ورتالىق 3D پرينتەرلەر مەن 3D سكانەرلەردى, كۆادروكوپتەرلەردى, ەكشن-كامەرالاردى, قاجەتتى باعدارلامالىق جاساقتاماسى بار مونوبلوكتاردى جانە روبوتتاردى قۇرۋعا جانە باعدارلامالاۋعا ارنالعان ءبىلىم بەرۋ جيىنتىقتارىن قوسا العاندا, ءتۇرلى زاماناۋي جابدىقتار الدى. بۇل جاڭا جابدىقتار بالالارعا دروندار ۇشىرۋ داعدىلارىن دامىتۋعا, بەينەمازمۇندار جاساۋعا جانە جارىستارعا قاتىسۋعا مۇمكىندىك بەرەدى. كومپيۋتەرلىك سىنىپتاردى جابدىقتاۋ ستۋدەنتتەرگە روبوتتەحنيكا, ينجەنەريا جانە باعدارلامالاۋ نەگىزدەرىن ءىس جۇزىندە ۇيرەنۋگە مۇمكىندىك بەرەدى. 1998 جىلعى 15 جەلتوقساندا قۇرىلعان «NNEF» قورى – بوبەكجايدان باستاپ جوعارى وقۋ ورىندارىنا دەيىنگى بارلىق دەڭگەيلەردى قامتيتىن «Lifelong learning» ۇزدىكسىز ءبىلىم بەرۋ جۇيەسىن بەلسەندى تۇردە دامىتىپ, ىلگەرىلەتىپ كەلە جاتقانىن اتاپ وتكەن ءجون.
«NNEF» قورىنىڭ قىزمەتكەرلەرى قاجەتتى جابدىقتار مەن كومپيۋتەرلىك تەحنيكانى تاڭداۋ جانە ساتىپ الۋ بويىنشا كەڭەس بەردى, عيماراتتى جوندەۋ جۇمىستارىن ۇيىمداستىرىپ, جۇرگىزدى. قوردىڭ IT ۋنيۆەرسيتەتتەرى ورتالىق پەداگوگتەرى ءۇشىن بىلىكتىلىكتءى ارتتىرۋ كۋرستارىن ۇيىمداستىرىپ, وقىتۋشىلار مەن ءبىلىم الۋشىلارعا ۋنيۆەرسيتەتتەردىڭ رەسۋرستارى مەن ساراپتامالىق بىلىمدەرىن پايدالانۋعا مۇمكىندىك بەرۋگە دايىن», دەپ اتاپ ءوتتى «NNEF» قورىنىڭ ءبىلىم ءبولىمىنىڭ باسشىسى ماريا كوپجاساروۆا.
پارلامەنت ءماجىلىسىنىڭ دەپۋتاتى سنەجاننا يماشەۆا بالالاردىڭ ءبىلىمىن ارتتىرۋعا قاجەت زاماناۋي تەحنيكالىق جابدىقتار ماسەلەسىنىڭ شەشىلۋىنە قولداۋ كورسەتكەن قور جۇمىسىنا ساتتىلىك تىلەدى.
«بۇگىنگى زاماناۋي تەحنيكانىڭ مۇمكىندىگىمەن بالالاردىڭ قول جەتكىزەتىن جەتىستىگى – ەلىمىزدىڭ ەرتەڭىنە قوسىلاتىن وراسان ۇلەس ەكەنى انىق», دەدى ول.
تاريحي ماڭىزى مەن بولاشاعى
1956 جىلى قۇرىلعان ورالداعى بالالار تەحنيكالىق شىعارماشىلىق ورتالىعى بۇگىندە شىن مانىندەگى ماڭىزدى ءبىلىم بەرۋ مەكەمەسىنە اينالدى, وندا بالالار تەحنولوگيالار مەن تەحنيكالىق شىعارماشىلىق سالاسىنداعى دارىنىن دامىتا تۇسەدى. جاقىندا جۇرگىزىلگەن جاڭارتۋ جۇمىستارىنىڭ ارقاسىندا ورتالىق ءوز وقۋشىلارىنىڭ ءبىلىمىن جەتىلدىرىپ, وي-ءورىسىن كەڭەيتۋ ءىسىن جالعاستىرا بەرمەك. مۇنىڭ ءوزى جاس جەتكىنشەكتەرگە بولاشاق ماماندىق تاڭداۋ تۋرالى شەشىم قابىلداۋعا جانە تابىستى كەلەشەكتىڭ نەگىزىن قالاۋعا كومەكتەسەدى.
وسى رەتتە قازاقستانداعى ءومىر ءسۇرۋ ساپاسى مەن ءبىلىم بەرۋدى جاقسارتۋ جونىندەگى باستامالارعا بەلسەندى قولداۋ كورسەتىپ كەلە جاتقان «حالىق» قايىرىمدىلىق قورىنىڭ ۇلەسىن اتاپ ءوتكەن ءجون. قور 120-دان استام الەۋمەتتىك جانە قايىرىمدىلىق جوبالاردى ىسكە اسىرۋدا, وسى ماقساتقا 85 ميلليارد تەڭگەدەن استام قاراجات ءبولءىپ وتىر.
