فوتو: عىلىم جانە جوعارى ءبىلىم مينيسترلىگى
جاڭا ستۋدەنتتىك ءۇي مەملەكەتتىك تاپسىرىس شەڭبەرىندە جاتاقحانانىڭ بۇرىنعى عيماراتىن رەكونسترۋكتسيالاۋ جولىمەن «ماەر ترەيد» جشس قۇرىلىس سالۋشى-ينۆەستور تۇرعىزدى.
«400 ورىنعا ارنالعان زاماناۋي جاتاقحانادا جايلى ءومىر سۇرۋگە, وقۋعا جانە بوس ۋاقىتتى بەلسەندى وتكىزۋگە بارلىق جاعداي جاسالعان. ستۋدەنتتەر ءۇشىن ەكى, ءتورت جانە التى ورىندىق بولمەلەر بار. ءار قاباتتا اس ءۇي, دۋش, كىر جۋاتىن بولمەلەر, سونىمەن قاتار ماۋسىمدىق پايدالانۋعا ارنالعان قويمالار جاسالعان. فيتنەس زالى, ماكەت جانە وقۋ بولمەسى تولىق جابدىقتالعان», دەلىنگەن عىلىم جانە جوعارى ءبىلىم مينيسترلىگى تاراتقان حابارلامادا.
جاتاقحانا اۋماعى كۇزەتىلىپ, تاۋلىك بويى جۇمىس ىستەيتىن بەينەباقىلاۋلار ورناتىلعان. ستۋدەنتتەر ءۇيى جاڭا وقۋ جىلىندا ءبىلىم الۋشىلاردى قابىلداۋعا دايىن.
