فوتو: sknews.kz
اتوم يندۋسترياسىن دامىتۋ قاۋىمداستىعىنىڭ توراعاسى الديار توقتاروۆ تالقىلاۋ بارىسىندا ەلدىڭ ەنەرگيا سەكتورىن دامىتۋ ءۇشىن اەس سالۋدىڭ ورىندىلىعىن اتاپ ءوتتى.
«دامۋ ءۇشىن بىزگە ەنەرگيا قاجەت. مەن مۇندا ءوزىم ءۇشىن دە, باسقا قۇرداستارىم ءۇشىن دە پەرسپەكتيۆا كورىپ وتىرمىن», دەدى الديار توقتاروۆ ءىس-شارادا.
ول سونداي-اق اەس جوباسىن ىسكە اسىرۋ كەزىندە قازاقستاننىڭ قاتىسۋ دارەجەسىن سۇرادى.
ونىڭ سۇراعىنا «قازاقستاندىق اتوم ەلەكتر ستانتسيالارى» اق ديرەكتورى تيمۋر جانتيكين جاۋاپ بەردى.
ء«بىز باسىنان باستاپ ماكسيمالدى وقشاۋلاۋدى قاراستىرامىز. جوعارىدا ايتقانىمداي, وتاندىق يادرولىق وتىندى پايدالانۋ جوسپارلانىپ وتىر. ەڭ الدىمەن, وتىن الداعى 100 جىلعا قاجەت. ايتا كەتۋ كەرەك, قۇرىلىس كەزەڭىندە بىزدە ۇلكەن مۇمكىندىكتەر بار. قازىر تۇركيادا اتوم ەلەكتر ستانتسياسىنىڭ قۇرىلىسىندا 600-گە جۋىق قازاقستان مامانى جۇمىس ىستەيدى. ءبىزدىڭ مونتاجشىلار بريگاداسى رەسەيدە بن-800 يادرولىق رەاكتورىنىڭ قۇرىلىسىندا جۇمىس ىستەدى. ياعني, الەۋەت بار. ارينە, مۇنداي بريگادالاردى اتتەستاتتاۋ جۇرگىزىلەدى. ءارى قاراي, پايدالانۋ كەزىندە 100% وقشاۋلاۋ جوسپارلانىپ وتىر», دەدى تيمۋر جانتيكين.
