مەملەكەت باسشىسىن تاڭداۋ – ۇلتتىڭ تاعدىرىن ايقىنداۋ

ءوز باسىم بۇگىنگى كۇندى – حالقىمىز ءۇشىن, ەلىمىزدىڭ كەلەشەگى ءۇشىن اسا ماڭىزدى كۇن دەپ ەسەپتەيمىن. ويتكەنى, مەملەكەت باسشىسىن سايلاۋ قاشاندا ماڭىزدى, جاۋاپكەرشىلىگى مول ناۋقان ەكەنى بەلگىلى. بايقاعانىم, جۇرتشىلىق بيىلعى سايلاۋعا بەلسەنە قاتىسۋدا. وتباسىمەن, نەمەرەلەرىن ەرتىپ, توپ-توپ بولىپ كەلىپ, داۋىس بەرىپ جاتىر. كورگەن جاننىڭ كوزى تويعانداي, بۇل دا زور قۋانىش. ەڭ باستىسى, بۇل – حالقىمىزدىڭ ساياسي بەلسەندىلىگىنىڭ كورىنىسى. حالىق ءوزىنىڭ ەلباسىن دۇرىس تاڭداۋىمەن ۇلتىنىڭ تاعدىرىن ايقىندايدى, وتباسىنىڭ اماندىعىن, ۇرپاعىنىڭ باي-قۋاتتى كەلەشەك ومىرىنە جول اشادى. تاۋەلسىزدىك تاڭىنان بەرگى ەلىمىزدىڭ تۇراقتىلىعى مەن ەكونوميكالىق دامۋ ءۇردىسى ءبىزدىڭ مەملەكەتىمىزدىڭ دۇرىس باعىتتا كەلە جاتقاندىعىنىڭ ايقىن كورىنىسى. وسىعان دەيىن جەتكەن جەتىستىكتەرىمىزدىڭ, العان اسۋلارىمىزدىڭ بارلىعى ەلباسىنىڭ كورەگەن ساياساتىنىڭ ارقاسى دەپ بىلەمىن. ال, الدىمىزدا اتقارىلار ىستەر مەن الار اسۋلارىمىز ودان دا زور. وسى ماقساتتى جولدا ءبىز تەك ەلباسىمەن بىرگە جەتەتىنىمىزگە مەن سەنىمدىمىن. مەن حالقىمنىڭ باقىتتى ءومىر ءسۇرۋى ءۇشىن وتباسىممەن بىرگە ەلباسى ن.ءا.نازارباەۆقا داۋىس بەردىك. ن.نازارباەۆ قازاقستان حالقى ءۇشىن التىن كوپىر سالعان, ۇلكەن الىس جولدارعا ميۋالى اعاش وتىرعىزعان, شولدە قۇدىق قازىپ بەرگەن يمان نۇرلى ينساني كامىل. احمەتجان ءاشيري, جازۋشى, قازاقستاننىڭ ەڭبەك سىڭىرگەن قايراتكەرى.