سىيلىقتىڭ باستاماشىلارى بۇل جوبانىڭ ماقساتى قوعام ءۇشىن ماڭىزدى سالالاردا جۇمىس ىستەيتىن, وڭىرلەردەگى كىشى جانە ورتا بۋىن جاس مامانداردى كوتەرمەلەۋ ەكەنىن اتاپ ءوتتى.
سىيلىقتىڭ قۇرىلتايشىلارى بۇل سىيلىق الەۋمەتتىك ماڭىزى بار جانە جۇمىسشى كاسىپتەرىنىڭ بەدەلىن ارتتىرۋعا ىقپال ەتەتىنىنە جانە مەملەكەت باسشىسىنىڭ قوعامداعى «ەڭبەك ادامى» مارتەبەسىن ارتتىرۋ تۋرالى تەزيستەرىنە تولىق سايكەس كەلەتىنىنە سەنىمدى.
كونكۋرسقا بارلىعى 7 نوميناتسيا بويىنشا 707 ءوتىنىم بەرىلگەن. ناتيجەسىندە ءار نوميناتسيا بويىنشا 2 جەڭىمپازدان انىقتالعان.
«Önerkäsıp» نوميناتسياسى:
- توكۋشەۆ ەرنۋر بولاتوۆيچ – «وسكەمەن جەو» جشس قازاندىق جابدىعىنىڭ اعا ءماشينيسى;
- گۋماروۆ رۋسلان ايدىنوۆيچ – «Qarmet» اق كومىر دەپارتامەنتىنىڭ ەنەرگوكومىر بولىمشەسىنىڭ 4-رازريادتى جەراستى ەلەكتروسلەسارى.
«Janqiarlyq» نوميناتسياسى:
- اۋگامباەۆ ەرمەك ەسپەرگەنوۆيچ – الماتى وبلىسى پوليتسيا دەپارتامەنتى ەڭبەكشىقازاق اۋدانى پوليتسيا باسقارماسىنىڭ شەلەك پوليتسيا ءبولىمىنىڭ جەرگىلىكتى پوليتسيا قىزمەتى بولىمشەسىنىڭ ۋچاسكەلىك ينسپەكتورى;
- ساماتوۆ جۇبانىش سامات ۇلى – اقتوبە وبلىستىق توتەنشە جاعدايلار دەپارتامەنتىنىڭ مامانداندىرىلعان ءورت ءسوندىرۋ ءبولىمىنىڭ اعا ينجەنەرى.
«Bızdıñ üi» نوميناتسياسى بويىنشا:
- ەرجانوۆا الەكساندرا يگورەۆنا – «گورۆودوكانال» مكك ينجەنەر-زەرتحاناشىسى (ەكىباستۇز قالاسى);
- زكريانوۆا زارينا جانگيروۆنا – «گسۋ قۇرىلىس» جشس سىلاقشى-بوياۋشىسى (پاۆلودار قالاسى).
«Kömek qoly» نوميناتسياسى:
- مۋكاشەۆا گۋلميرا مۋراتوۆنا – «قوعامدىق دەنساۋلىق ساقتاۋ» باعدارلاماسى بويىنشا «جمجم» قازاقستان مەديتسينالىق ۋنيۆەرسيتەتىنىڭ دوكتورانتى (الماتى قالاسى);
- نامەلبەك ازامات نامەلبەك ۇلى – «جامبىل وبلىسىنىڭ جاستار ءماسليحاتى» قب توراعاسى.
«Adamgerşılık» نوميناتسياسى:
- ۋماروۆا زۋلفيا الديبەكوۆنا – الماتى قالاسى جۇمىسپەن قامتۋ جانە الەۋمەتتىك باعدارلامالار باسقارماسىنىڭ «جان سايا» داعدارىس ورتالىعى» كمم ارناۋلى الەۋمەتتىك قىزمەتتەرگە قاجەتتىلىكتى باعالاۋ جانە انىقتاۋ جونىندەگى الەۋمەتتىك قىزمەتكەرى;
- ۆاگين يۋري پاۆلوۆيچ – «قوستاناي قالاسى اكىمدىگىنىڭ جۇمىسپەن قامتۋ جانە الەۋمەتتىك باعدارلامالار ءبولىمى» مم «الەۋمەتتىك قىزمەتتەر كورسەتۋ ورتالىعى» كمم پسيحونەۆرولوگيالىق اۋرۋلارى بار 18 جاستان اسقان مۇگەدەك بالالار مەن مۇگەدەكتەرگە كۇتىم جاساۋ جونىندەگى الەۋمەتتىك قىزمەتكەرى.
«Altyn jürek» نوميناتسياسى:
- امانتاەۆا شىرىن جارقىنقىزى – «ومىرگە سەن» قق جانىنداعى وڭالتۋ, رەسپيراتورلىق قولداۋ جانە پاللياتيۆتىك كومەك ورتالىعىنىڭ مەدبيكەسى;
- باقىتكەلدى دارحان باقىتكەلدى ۇلى – «الماتى وبلىسىنىڭ دەنساۋلىق ساقتاۋ باسقارماسى» مەملەكەتتىك مەكەمەسىنىڭ «وبلىستىق جەدەل جانە شۇعىل مەديتسينالىق كومەك ستانتسياسى» شجق مكك اعا فەلدشەرى.
«Bolaşaq turaly qamqorlyq» نوميناتسياسى:
- ءامىرالى بالجان بەگالىقىزى – شىمكەنت قالاسى اباي قۇنانباەۆ اتىنداعى مەكتەپتىڭ حيميا ءپانىنىڭ مۇعالىمى;
- كۋيانباەۆا دانا باكىتوۆنا – استانا قالاسىنىڭ №87 «قادىر» بالاباقشاسىنىڭ تاربيەشىسى.
ايتا كەتەرلىگى, سىيلىقتىڭ ءوزى مەن جۇلدە قورىن قر پرەزيدەنتى جانىنداعى جاستار ساياساتى جونىندەگى كەڭەس مۇشەلەرى قۇرىپ, ۇيىمداستىرعان.
سىيلىق لاۋرەاتتارىن ماراپاتتاۋ راسىمىنە مەملەكەتتىك كەڭەسشى ەرلان قارين, بالا قۇقىقتارى جونىندەگى ۋاكىل دينارا زاكيەۆا, ءماجىلىس دەپۋتاتتارى, بەلگىلى سپورتشىلار, قوعام قايراتكەرلەرى جانە جاستار وكىلدەرى قاتىستى.
سىيلىقتىڭ قۇرىلتايشىلارى ەلدىڭ ۇدەمەلى ىلگەرىلەۋى بارلىق ازاماتتاردىڭ جاسامپاز كۇش-جىگەرىنە بايلانىستى ەكەنىنە سەنىمدى. ەگەر اركىم ءوز ۋچاسكەسىندە ءوز جۇمىسىن جاۋاپكەرشىلىكپەن جانە ساپالى ورىندايتىن بولسا, وندا ەل كەز كەلگەن ماقساتقا قول جەتكىزە الادى. بۇل ءتاسىل پرەزيدەنت قاسىم-جومارت توقاەۆ ۇلتتىق قۇرىلتايدىڭ اتىراۋدا وتكەن ءۇشىنشى وتىرىسىندا سويلەگەن سوزىندە اتاپ وتكەن «جاۋاپتى ادام – ادال ەڭبەك – ەڭبەك سىڭىرگەن جەتىستىك» امبەباپ جانە سىيىمدى فورمۋلاسىنا تولىق سايكەس كەلەدى.
