فوتو: جامبىل وبلىسىنىڭ اكىمدىگى
«قر پرەزيدەنت اكىمشىلىگىنىڭ كەلىسىمىمەن جامبىل وبلىسى اكىمىنىڭ ورىنباسارى لاۋازىمىنا سەرىك جاقسىلىق ۇلى سالەموۆ تاعايىندالدى», دەلىنگەن ءوڭىر اكىمدىگىنىڭ ءباسپاسوز قىزمەتى تاراتقان حابارلامادا.
سەرىك سالەموۆ 1972 جىلى تۋعان. ءبىلىمى جوعارى. قازاق مەملەكەتتىك ساۋلەت-قۇرىلىس اكادەمياسىن, ق.ا.ياسساۋي اتىنداعى حالىقارالىق قازاق-تۇرىك ۋنيۆەرسيتەتىن, قر پرەزيدەنتىنىڭ جانىنداعى مەملەكەتتىك باسقارۋ اكادەمياسىن («جىلۋمەن, گازبەن قامتاماسىز ەتۋ, جەلدەتۋ, اۋا باسسەيىنىن قورعاۋ», «قۇقىقتانۋ», «مەملەكەتتىك جانە جەرگىلىكتى باسقارۋ») بىتىرگەن.
ول ءار جىلدارى «سالتانات» شاعىن مەملەكەتتىك كاسىپورىندا تەرى وتكەرۋشى, «اقباستاۋ» شاعىن جەكە كاسىپورىندا قۇرىلىس ۋچاسكەسىنىڭ شەبەرى, «سالتانات» شاعىن مەملەكەتتىك كاسىپورىندا ديرەكتوردىڭ ورىنباسارى, جامبىل اۋدانى اكىمى اپپاراتىنىڭ ۇيىمداستىرۋ جانە كادر ءبولىمىنىڭ باس كونسۋلتانتى, باس مامانى, بايزاق اۋدانى اكىمى اپپاراتىنىڭ ۇيىمداستىرۋ جانە كادر ءبولىمىنىڭ مەڭگەرۋشىسى, جامبىل وبلىستىق ءماسليحات اپپاراتىنىڭ باس مامانى, ۇيىمداستىرۋ جۇمىستارى ءبولىمىنىڭ مەڭگەرۋشىسى, جەتەكشىسى لاۋازىمدارىن اتقارعان.
