كورنەكتى قالامگەردەن مۇرا بولىپ قالعان بۇل جادىگەردىڭ ەرەكشەلىگى, كىتاپتىڭ تۇپنۇسقاسى ەلىمىزدىڭ وزگە كىتاپحانالارى مەن مۋزەيلەرىندە ساقتالماعان. كىتاپ ا.بايتۇرسىن ۇلى قارپىندە 1948 جىلى جارىق كورگەن. باسىلىپ شىققان ورنى – قازاقتىڭ مەملەكەتتىك باسپاحاناسى, «قازاق ەلى» جۋرنالىنىڭ باسپاسى دەپ كورسەتىلگەن. جيناقتا اقىننىڭ ولەڭدەرى توپتاستىرىلعان. اتاپ ايتقاندا, «انا ساباعى» داستانى, «العاشقى ادىم», «جولدا», «قۋانىش», ء«بىزدىڭ اۋىل», «تەمىر ات», «شەڭبەر», «انا تولعاۋى», «قىرماندا», «ۇستاز», ء«بىزدىڭ زامان» جانە تاعى باسقا ولەڭدەرى باسىلعان. كىتاپ شامامەن 200 بەتتەن تۇرادى, پاراقتارى جاقسى ساقتالعان.
جادىگەردى اقىننىڭ جيەن-نەمەرەسى ايدار قىرىقباي ۇلى مۋزەيگە اماناتتادى.
مۋزەي باسشىسى ەربول قايىروۆ بۇعان قوسا 1939-1945 جىلدار ارالىعىندا جامبىل جاباەۆقا ادەبي حاتشىلىق قىزمەت اتقارعان عالي ورمانوۆتىڭ كۇندەلىگى دە قوسا بەرىلىپ وتىرعانىن حابارلادى. مەكەمە ۇجىمى ونى جىر الىبىنىڭ 180 جىلدىعىندا كورسەتەمىز دەپ وتىر.
عالي ورمانوۆ (1907-1978) — بۇكىل سانالى عۇمىرىندا ۇلتتىق ادەبيەتىمىزدىڭ ءوسىپ-وركەندەۋىنە, قازاق پوەزياسىنىڭ دامۋىنا ەرەكشە ۇلەس قوسقان اقىن. ورىستىڭ, شىعىستىڭ كلاسسيكالىق ۇلگىلەرىن اۋدارىپ, قازاق ادەبيەتى سالاسىنا ولشەۋسىز ۇلەس قوسقان اۋدارماشى. ونىڭ قالامىنان قازاق ادەبيەتىنىڭ التىن قازىناسىنا ولەڭدەر جيناقتارى, پوەمالارى, جىر كىتاپتارى, پروزالىق شىعارمالارى جارىق كورگەن.
پاۆلودار وبلىسى
