مۋزەي قورىندا ساقتاۋلى تۇرعان ساۋىت, جاۋىنگەر قالقانى سەكىلدى جاۋگەرشىلىك داۋىردەن جەتكەن جادىگەرلەر كوزگە وتتاي باسىلادى. الپىس جىلدان استام ۋاقىت بۇرىن قولعا تۇسكەن قۇندىلىقتى عالىمدار ءحVىىى-ءحىح عاسىرلاردان جەتكەن جادىگەر دەپ وتىر.
ء«بىز كورىپ تۇرعان ساۋىت تەمىر ساقينالاردان قۇراستىرىلعانىن بايقاۋ قيىن ەمەس. جاۋىنگەر كيىمىن ساداقتىڭ جەبەسى, نايزانىڭ ۇشى, قىلىشتىڭ ءجۇزى وتپەيتىندەي ەتىپ جاساعانى بىردەن بايقالىپ تۇر. ساۋىتتىڭ ءار جەرىن توت باسقان, جەڭدەرى جىرتىلعان. جاۋگەرشىلىك ءداۋىردىڭ جادىگەرى ەكەنى ەش تالاس تۋدىرمايدى. تاريحى ءجۇز جىلدىقتارمەن جالعاسىپ جاتقان ساۋىت اجەپتاۋىر كونەرگەن.
ءبىزدىڭ بىلۋىمىزشە, بۇل ساۋىتتى بيلىكول اۋىلىنىڭ تۇرعىنى كول ماڭىنان 1959 جىلى كەزدەيسوق تاۋىپ الىپتى. جەرگىلىكتى ازامات ولجاسىن وبلىستىق تاريحي-ولكەتانۋ مۋزەيىنىڭ قورىنا تابىستاۋدى ءجون دەپ تاپقان. مۋزەيگە كەلگەن ازاماتتار ساۋىتتىڭ ارعى-بەرگى تاريحى تۋرالى تولىققاندى مالىمەت سۇراپ جاتادى. ماماندار ولارعا بىلگەنىنشە اقپارات بەرىپ ءجۇر», دەيدى وبلىستىق تاريحي-ولكەتانۋ مۋزەيى زەرتتەۋ جۇمىستارىن قامتاماسىز ەتۋ ءبولىمىنىڭ مەڭگەرۋشىسى لاۋرا بايتۇرسىنوۆا.
بۇدان بولەك مۋزەي قورىندا ساقتالعان جاۋىنگەر قالقانى سەكىلدى وزگە دە قۇندى جادىگەرلەر تولىپ تۇر. ولاردىڭ دا وزىنە ءتان تاريحى بار.
تاراز
