فوتو: primeminister.kz
«قازاقستان-تۇرىكمەنستان» شەكاراسىنا تىكەلەي شىعاتىن تەرمينالدىڭ مۇمكىندىگى مول. بۇل – 8 شاقىرىم تەمىرجول مەن ءوزىنىڭ جىلجىمالى قۇرامى بار پەرسپەكتيۆالى لوگيستيكا حابى. اتالعان تەرمينال ءبىر مەزگىلدە 100 توننا استىق ساقتاپ, كۇنىنە 500 ۆاگونعا دەيىن قابىلداي الادى. ال بولاشاقتا مۇنىڭ قۋاتى كۇشەيە تۇسپەك.
سونداي-اق مۇندا تاۋلىگىنە 320 توننا ۇن مەن 80 توننا كەبەك وندىرۋگە مۇمكىندىك بەرەتىن ديىرمەن كەشەنى بار. قازىر وندا جاڭعىرتۋ جۇمىستارى جۇرگىزىلىپ جاتىر. ودان سوڭ كەشەندە جالپى قۋاتى تاۋلىگىنە 400 توننا ۇن شىعاراتىن ەكى جەلى ىسكە قوسىلادى. ال قۇراما جەمنىڭ تاۋلىكتىك قۋاتى 240 تونناعا دەيىن ۇلعايادى.
استىق تەرمينالىندا اۋعانستان دەلەگاتسياسىنىڭ وكىلدەرى, ازىق-ت ۇلىك كورپوراتسياسىنىڭ باسشىسى جانە «بەينەۋ» تەرمينالىنىڭ باسشىلىعى تەرمينال ارقىلى استىق جەتكىزۋ پەرسپەكتيۆاسىن تالقىلادى. اتاپ ايتقاندا, ەلىمىزدەگى بيدايدى تەرمينال ارقىلى اۋعانستان مەن پاكىستانعا ەكسپورتتاۋدىڭ نەگىزگى جانە تۇراقتى باعىتىن ۇيىمداستىرۋ مۇمكىندىگى قاراستىرىلىپ جاتىر.
مۇنداي جوسپاردى ىسكە اسىرۋ ءۇشىن شەكارا ماڭىنداعى اۋماقتاردا قوسىمشا قويما, ءۇي-جايلارىن سالۋ جانە تۇرىكمەنستان اۋماعى ارقىلى لوگيستيكانى جولعا قويۋ ماڭىزدى. ءارى مۇددەلى تاراپتار وتاندىق استىقتى جەتكىزۋدىڭ جاڭا ەكسپورتتىق باعىتىن قۇرۋعا نيەت تانىتىپ وتىر.
